Се азъ князь великыи Всеволодъ далъ есмь святому Георгию Терпужьскыи погостъ Ляховичи съ землею, и съ людьми, и съ коньми, и лЪсъ, и борти, и ловища на Ловати, а по Ловати на низъ по конецъ Водоса за рЪкою за Любытиною по большии мъхи, съ болыпихъ мховъ на вьрхъ межьника, съ того межьника на Каменичища на усть Березна, по обЪ стороны межьникъ ввьрхъ Березна, по обЪ стороны ввьрхъ Березна на [140] вьрхъ Глистьны по чистыи мохъ, отъ МореЪ съ вьрхъ ГлистьнЪ на вьрхъ Робьи Ильины, съ вьрхъ Робьи на вьрхъ Лебединьца, съ вьрхъ Лебединьца на вьрхъ Възвада, съ верхъ Възвада на вьрхъ Городьни, на низъ по однои сторонЪ до Робьи. А то далъ есмь святому Георгию во вЪкы. А хто поступить, судиться со мною передъ Георгиемь въ сии вЪкъ и въ будущии.