Подлинник на пергамене; на верхней части — русский текст, на нижней — немецкий. Три свинцовые печати на шелковых шнурках на левой половине нижнего края. Печать архиепископа; на одной стороне изображение богоматери типа «Знамение», по обеим сторонам которого надписи: *** (матерь божия.) и *** (Иисус.); на другой стороне — шестиконечный крест на подножии, в которое, с обеих сторон креста,[118] упираются копье и трость с губкою, — по обеим сторонам креста надписи *** (Иисус Христос.) и. . .*** (...ка.). На двух других печатях изображение, вероятно, барса с поднятым хвостом (Ширрен называет его грифом) и надписи: на одной: *** (печать Великого Новгорода.); на другой *** (печать Великого Новгорода.).

Се приЪхаша послови нЪмечкыи въ Великии Новъгородъ от князя от местря Инци Винки, и от пискупа юрьевьского ОлфромЪя, и от посадниковъ юрьевьскыхъ, и от ратмановъ к осподину преосвященному архиепискупу Великого Новагорода владыкы Еуфимью, и князя новгородчкому Олександру Васильевичю, и к посаднику новгородчкому Есифу Григорьевичю, и къ старымъ посадникомъ, и к тысячкому новгородчкому КарпЪ Савиничю, и къ старымъ тысячкымъ, и ко всему Великому Новугороду Инца да Игнатъ, ратманинъ, Индрикъ, толкъ княжь местеревъ, и Яковь, пискупль бояринъ. И взяша перемирье от князя от местеря с Великимъ Новымъгородомъ от сего сбору за мЪсяць по РожествЪ святЪи богородици, а от того мЪсяца по РожествЪ святЪи богородици на пять годъ. А земли и воды рубежь Великому Новугороду съ княземъ местеремъ рискимъ Инцеи Винки от Чючкаго озера стерженемъ НоровЪ рЪкЪ прямо в Солоное море, по старымъ грамотамъ а по крестнымъ и по крестному челованью. А Великому Новугороду ни новгородчкымъ людемъ чересъ рубежь, чересъ стержень НоровЪ рЪкЪ, не вступатися въ княжю местереву половину, въ лЪвую сторону НоровЪ рЪкЪ; такоже князю местерю ни его людемь чересъ рубежь, чересъ стержень НоровЪ ръкЪ, не вступатися въ новгородчкую половину, в правую сторону НоровЪ рЪкЪ, ни во что же. А на семъ миру соркоша срокъ быти съЪзду на НоровЪ на рЪкЪ на пошломъ мЪстЪ сего лЪта за двЪ недЪли по Ивани дни. А на томъ съЪздЪ на НоровЪ на рЪкЪ быти князю местерю самому и его кумендеремъ, честнымъ людемъ, в дву сотъ человЪкъ; а от Великого Новагорода быти на тыи срокъ на томъ (У Ширрена: томЪ.) съЪздЪ [на] НаровЪ на рЪкЪ князю новгородчкому и бояромъ новгородчкымъ, честнымъ людемъ, в дву сотъ человЪкъ. А на томъ съездЪ князю местерю и его кумендеремъ дати исправа Великому Новугороду всякимъ обиднымъ дЪламъ, и купечкымъ товаромъ, и нятчомъ на обЪ половинЪ, по крестному челованью. А князю новгородчкому и бояромъ новгородчкымъ, честнымъ людемъ, на томъ съЪздЪ князю местерю дати исправа всимъ обиднымъ дЪламъ, и купечкымъ (У Ширрена; купечнымъ.) товаромъ, и нятцомъ на обЪ половинЪ, по крестному челованью. А приЪхати имъ на тои съЪздъ и розъЪхатися доброволно, безо всякои пакости, по сему крестному челованью. А посламъ новгородчкымъ, и гостемъ, и купчомъ новгорочкымъ Ъздити къ князю местерю и по его городомъ и по его державЪ, путь имъ [119] чистъ, и горою и водою, а товаръ имъ всякии купити и продати бЪзъ вывЪта и безъ рубежа, по старинЪ и по сему крестному челованью. Такоже княжимъ местеревымъ посломъ, и гостемъ, и купчомъ Ъздити въ Великии Новъгородъ и по Новгородчкои отчинЪ, путь имъ чистъ, и горою и водою, а товаръ имъ всякии и купити и продати безъ вывЪта и без рубежа, по старинЪ и по сему крестному челованью. А будетъ каково дЪло въ Великомъ НовЪгородЪ нЪмцину до новгородца, или новгородцю до нЪмцина в местеревЪ земли и въ его городехъ, ино тому (У Ширрена: томъ.) судъ на обЪ половинЪ, а посуловъ не имати с обЪ половинЪ, бес хитрости, по крестному челованью. А Великому Новугороду блюсти нЪмцина въ своеи земли, какъ и своего новгородца; а князю местерю и его кумендеремъ въ своеи земли блюсти новгороца, какъ и своего немцина, на обЪ половинЪ, бес хитрости, по крестному челованью. А сеи миръ князю местерю Инци Винки с Великимъ Новымъгородомъ, а Великому Новугороду с княземъ местеремъ держати имъ крЪпко, бес хитрости, на обЪ половинЪ, по крестному челованью. А на сеи грамотЪ человаша кресть князю местерю посадникъ Великого Новагорода Есифъ Григорьевичь, тысячкыи Великого Новагорода Карпа Савиничь за весь Великии Новъгородъ, и печати свои привЪсиша к сеи грамотЪ. Такоже и послы немечкыи человаша крестъ к Великому Новугороду на сеи грамотЪ от князя от местеря, Инца да Игнатъ, ратманинъ, и княжии толкъ местеревъ Индрикъ, и Яковъ, пискупль бояринъ, и печати свои привЪсиша к сеи грамотЪ. А какъ пошлетъ Великии Новъгородъ своего посла сеи зимЪ князю местерю, и князю местерю Инци Винки на сеи грамотЪ самому крестъ человати передъ новгородчкымъ посломъ за вси свои городы и за всю свою державу, и печать свою привЪсити князю местерю к сеи грамотЪ. (В немецком тексте далее дата: В год господень 1448 во вторник перед воскресением четвертой недели поста.)