Подлинник на пергамене. Печать свинцовая круглая; на одной стороне изображение «господа вседержителя» в крестчатом нимбе с надписью по сторонам:*** (Иисус Христос.); на другой: *** (новгородская печать.).— Список с рисунком печати. ЛБ, собр. Румянцева, № 44, 1.

От посадника Ивана Олександровичя, от тысячкого Онаньи Костянтиновичя и от всего Великого Новагорода кумендерю, и к посадникамъ, и к ратманамъ колыванскимъ. Что вашь братъ нЪмчинъ Иванъ Мясо [95] прислалъ грамоту къ своимъ должникамъ, а к нашеи братьи к Федору и кь Есифу, а хотЪлъ ся имъ платити; и созвавъ братью нашю новгородчевъ, Ивана Кочерина, и МатфЪя Микулина, Макарью, ОксентЪя, Янка, Григорью, и казалъ имъ у себе товаръ облакану и золото; а тымъ хотЪлъ отлазити братью нашю, а своихъ должниковъ Федора и Есифа. И нашеи братьи должникъ Иванъ Мясо приЪхалъ в Колывань, по ихъ опасу, и нашь братъ Есифъ приЪхалъ в Колывань, а с новгорочкою грамотою, к вамъ и къ своему должнику. И должникъ братьи нашеи у васъ, и вы должника Ивана Мяса нашему брату Есифу не поставили; и должникъ за вами и товаръ братьи нашеи за вами. И нынь даите исправу по крестному чЪлованью. Или не дадите исправЪ, и намъ велЪти своеи братьи взяти на вашихъ дЪтехъ свои товаръ в НовЪтороде. А то слово не в ызмЪну.