Подлинник; на обороте: К посадникамъ колыванъскимъ и к ратманамъ и ко всимъ колыванчамъ. Две черновосковые печати. — Список, с легендами печатей. 1) Печать посадника: *** (печать Ивана Александровича.). 2) Печать тысяцкого: *** (печать Василия Есифовича.). ЛБ, собр. Румянцева, № 44.2 (печатается по этому списку).

БлагословеньЪ от архиепископа новгородчкого владычЪ Ивана, от посадника Ивана Олександровичя, от тысячкого Василья Есифовичя, от всего Великого Новагорода к посадникамъ калываньскимъ, и к ратманамъ, и ко всимъ колыванчамъ. Буди вамъ вЪдомо: здЪсе мы с нЪмчи в розмирьи СвЪею, (В списке: свЪЪЪ.) и вы, наши сусЪдЪ, к нимъ бы есте не приставалЪ, а по нихъ не пособлялЪ, а к намъ бы есте вЪсти слалЪ, а тымъ бы есте намъ издружилЪ. А коли ваше слово придеть к намъ, и мы такоже хотимъ вамъ дружити, сусЪдамъ своимъ. А гостю бы нашему по вашеи земли путь бы былъ чисть, а от лихи[хъ] бы людЪи на пути пакости имъ не было; а мы вашему гостю такоже здЪсе далЪ путь, куды и переже сего не бывало, а вам дружа, своимъ (В списке: свои имъ.) сусЪдамъ. А мы вамъ о томъ слово добро повЪстуемъ. А гостю, братьи вашеи, хто поЪдеть в Ве[ли]кии Новъгородъ, и вы имъ велите Ъхати [89] новгородчкимъ путемъ, а на Пъсковъ пути имъ нЪтъ; или хто поЪдетъ на Пъсковъ, Ъхати имъ взадъ, а на себе имъ жалоба. Зан[е]же того дЪля вамъ повЪстуемъ, чтобы вашему (В списке: вашемъ.) гостю пакости не было.