LUB, III, № 1330 (по а, б, частью в) и VI, № 2924 (по А и в); Русско-ливонские акты, № 115 (по А и а); HR, I, 4, № 45 (по а, б и г); TH. Schliemann, [81] Russland, Polen und Livland bis ins 17 Jahrhundret, I, Berlin, 1886, S. 286 (по А и В, с фотомеханическим воспроизведением А); РИБ, XV, № 1 (отрывок по Б).

Се приЪха Иванъ Нибуръ из Люпка посольствомъ, Иньца Вландерь и Федоръ Куръ из Гоцького берега, и[з] заморья, из РигЪ Тилька НибрюгЪ, изь Юрьева ЕремЪ[и] КЪглерь и Винька Клинъкродъ, ис Колываня Григорья Вить, и от всихъ купьцовъ заморьскыхъ и се сторонЪ поморья к посаднику ТимофЪю Юрьевицю и тысяцькому МикитЪ Федоровицю, ко всему Великому Новугороду. А повЪстуете (В далее: к.) тако: намъ с вами опришьни миръ, взялЪ есте у нашихъ купцовъ (В куцпьцовъ.) товаръ в НовЪгородЪ у юрьевъцовъ и в [ин]ыхъ (В выхъ; А и Б: у ныхъ; исправлено в соответствии с немецким: anderen.) городовъ и на сомъ поморьи, и на опаснои грамотЪ, что есте к намъ прислалЪ за посадницею пецатью Василья Ивановица и тысяцького Григорьи Ивановица. И посаднике и тысяцькыи и весь господинъ Великы Новъгородъ, смотрЪвъ в грамотЪ в старЪи в заморьскЪи в хрестнЪи и въ пасъ свои, за (В зад; исправлено по А и Б.) и до Новугороду (А и Б далее: и.) заморьци с нЪмЪцькыми купци миръ опришьнии и гра[мо]тЪ опришьнии, тЪ товаръ, что в РугодивЪ порубилЪ, и противъ того товара повеле Новъгородъ взяти товаръ своеи братьи. И посадникъ и тысяцькыи и весь господинъ великыи Новъгородъ повелЪша товаръ дати своеи братьи, и Федору, и МихаилЪ, и Василья, и ТереньтЪю, и Смену, и Сидору, Ильинымъ дЪтемъ. Ивану Нибуру и (и А и Б нет.) ИньцЪ Вланьдерь и Федору Куру из Гоцького берега, заморьскому послу, и ТилькЪ из РигЪ и юрьевьскому ЕремЪю и ВинькЪ, ис Колываня Григорью, вЪдатися имъ [самы] (Вставлено по А и Б.) с тымы истцЪ своимы купьци, цЪ[и] товаръ. [ТЪи товаръ], (Вставлено по А и Б.) что в РугодивЪ порублене у новгороцкыхъ купьцовъ, у Федора, и у МихалЪ, у Василья и ТерентЪя (В ТернетЪя; исправлено по Б; А ТеньтЪя.) Иль[и]ныхъ дЪтей и (Ильиныхъ дЪтей и А и Б нет.) у ихъ друговъ; а то Новъгородъ увЪдается с ругодивци, кто у ихъ товаръ поимале. А что грамота опасная за посадницею пе[ца]тью Василья Ивановица и тысяцького Григорьи Ивановица, а то есме отдалЪ Новугороду. А что о другои грамотЪ, о которо[и] (о которои А и Б нет, но в них далее: говорить, которая.) Новъгородъ говорить, за ОлексЪевои [82] владыцнею (В владыцнецею.) пецатью и за посадницею (А и Б далее: за.) Васильево[и] Федоровица и (А и Б далее: за.) тысяцького Богъдана Обакуновица, а та грамота Ивану и его другамъ выдати; или не изанаидуть, не поминати ни въ вЪкы тои грамотЪ опаснои, а по томъ за[мо]рьскымъ нЪмЪцькымъ купьца[мъ] (А и Б нЪмЪцкимъ, . . заморьскимъ.) и на сомъ поморьи ничто не надобЪ, ни поминати до новгороцькыхъ купьцовъ, до Федора, и до МихаилЪ, и до Василья, и до Терен[т]Ъя, и [до] См[е]на, и до Сидора, и до Ильиныхъ дЪтеи, и до ихъ друговъ, и до ихъ (до ихъ А и Б нет.) племени в томъ товарЪ ни и въ вЪкы. А что буде сопналося купьцю с купьцомъ (В купоцомъ.) с обЪ половинЪ, или по семъ сопнется, а то знати исцю исца, исправа имъ да[ти] по хрестному целованию на обЪ половинЪ и (и А и Б нет.) по старому доконьцанию. Что Иванъ Нибуръ люпскыи повЪстовале (В повЪстовале люпскыи; переставлено в соответствии с А и Б.) и его дружина Иньца Вландерь (Вландерь А и Б нет.) и Федоръ Куръ заморьскыи посолъ, и на сомъ поморьи (А и Б далее: и.) Тилка из Ригы, и ЕремЪи и Винька изь Юрьева, ис Колываня Григорья о своеи божьницЪ, [ч]то дворъ ихъ погорЪле, (А и Б далее: и.) что у ихъ божьницъ пакость учинилась, аже гдЪ из[н]аидуть тои згыбелЪ или тать или товаре, что ни наидуть, а то Великому Новугороду, обыскавъ, дати исправа на томъ (А и Б обыскати и дати справа на томъ.) товарЪ и на татеи по хрест[н]ому целованию безо всякои хитрости; а нЪмьцомъ (В нЪмъца; исправлено по А и Б.) взяти бес пенЪ; или не будеть, в томъ Новугороду измЪнЪ нЪту. (А и Б нет измЪнЪ.) А такоже (А и Б а такое жъ.) Ивану Нибуру изь Люпка, ИньцЪ Вландерь и Федору Куру, (А и В далее: и.) нЪмЪцькымъ посломъ, искати, что побилЪ розбоиникЪ на НевЪ МатьфЪева сына и его друговъ и товаръ отъималЪ; аже наидуть что с (А и Б с нет.) того товара, выдати нЪмьцо[мъ] Новугороду по хрестному целованию; или не наидуть, в томъ нЪмьцамъ измЪнЪ [нЪ]туть. А пеня гдЪ зацнется, ту ея коньцати. А се которое орудье завяжется въ обидЪ (Во всех списках: о въ бидЪ.) промежи Великого Новагорода с [с]вЪскымъ короломъ, или съ [83] велневицами, или с пискупомъ рискъмъ, (А Рискьмь.) или с пискупомъ юрьевьскимъ, или с пискупомъ островьскымъ, или с ругодивци, или розбоиникы на морЪ, а то купьцамъ не надобЪ. А купьцамъ нЪмЪцькымъ путь цисть сквозЪ Новгороцькую волость, горою и водою, в Новъгородъ приЪхати и отъЪхати бес пакости. А новгороцькымъ путъ цистъ на Гоцькы берегъ, по пискуплЪ земли юрьевьского и по его городамъ, горою и водою путь цистъ, въ Юрьево приЪхати и отъЪха[ти] бес пакости. А купьцамъ торговати по старынЪ, с обЪ половинЪ. А что подъ пискулимъ городомъ колода цересъ рЪку за замъкомъ, а туды новгороцькому [купьцю (купьцю выпало в В; вставлено по А и Б.)] путь цистъ. А на томъ дЪлЪ о всякомъ дЪлЪ, которое переду (А и Б по переду.) псано, посадникъ (В далее: и.) ТымофЪ Юревиць и тысяцькы Микита Федоровиць на томъ хрестъ целовали за весь Новъгородъ, какъ то держати по старынЪ, в хрестное цолование, безо всяко[и] хитрости. И(и А и Б нет.) такоже послы заморьскыи из Люпка Иванъ Нибуръ, из Гоцького берега Иньца Вландерь и Федоръ Куръ, из Ригы Тилька НибрюгЪ, изь Юрьева ЕремЪи КЪглерь и Винька Клинъкродъ, ис Колываня Григорья Вить хрестъ целовалЪ по сому доконьцанию и по старому хрестному целованию держати безо всякои хитрости.