Подлинник на пергамене. Две печати свинцовые круглые на нитяных шнурках. 1) Печать посадника; на одной стороне надпись; *** (посадника новгородского.) на другой: *** (Иванова печать Семеновича.). 2) Печать тысяцкого; на одной стороне: (тысяцкого новгородского.); на другой: *** (печать Олисеева.). Фотокопия в архиве ЛОИИ.

От великого князя намЪстъника ОндрЪя, от посадника Ивана, от тысяцкого ОлисЪя и от всего Новагорода к посадникамъ к любьцкимъ, и к ратманамъ, и ко всимъ лубцанамъ. Буди вамъ свЪдомо: братьи нашей побито на морЪ 12 человека в ъднои лодьи, и тыи товаръ розбоиники привезлЪ к вамъ в Любокъ. А в тои лодьи была немцинова боцка, Федора Церного, и ту боцку есте далЪ Федору, своему брату; а нашеи братьи товаръ за вами. Такоже братъ нашь Сидоръ былъ въ СтоколмЪ посольствомъ с тыми погыблыми людми, которыхъ племя на морЪ побито. Игнате с Готкого берега своими складники и с ратманы стоколомъскыми отъимя[лЪ] товаръ силно (отъимялЪ. . . силно вписано между строк.) и послалЪ к вамъ в Любокъ торговать. И вы, то (то вписано между строк.) услышавъ, аже у нашеи братьи товаръ отъималъ Игнатъ силно, и вы тои товаръ отъималЪ. И нынЪ тако вамъ повЪствуемь, по хрестьному челованью: отдаите тои товаръ погыблымъ людемь, обыся просто не уцинилося, занеже (не вписано над строкой.) тыхъ погыблыхъ людеи боле двусотъ человЪкъ в томъ товарЪ. Если (В подлиннике: сели.) не уцините исправЪ в тЪи срокъ, по хрестьному целованью, вамъ ти на себе жялоба. [80]