Се розделишася Василь з братомъ своимъ с Маковеямъ животъ и отчину отца своего Прокофьи по половинамъ. И досташась Василю 3 села земли: Июдино седенье, да Созоново седенье, да Михалкино седенье. А Маковею досташась противъ того 3 села земли: Василево седенье, да Елизарово седенье, да Онаньино седенье. И положися по премежи себя межю роскладную: из роскладнои межи, из олшяга, да у веросовину, изь веросовине да в сухыи дубъ на ручьи, из дуба да въ ель, изь ели посеродъ Василева репища, да в дубъ в огорелеи, из дуба дрянь в мостища, изъ мостища дрянь на валища да во Твеку (Может быть: в Отвеку.) реку. А тои делъ имъ водерень. А на то люд[и]: Сидоря да Харитоне.