311
1465—66 г. — Меновная Вяжицкого монастыря
на хлеб, собираемый с Толвуйской вотчины, с
Палеостровским монастырем на хлеб, получаемый за
вклады в монастыри Спасский в Русе и Спасский
Нередицкий
Фотокопия подлинника, хранившегося до 1941 г. в
Карельском Гос. музее, в собр. Палеостровских
актов.
Барсов, № 22; Матер. по ист. Карелии, № 26.
[С]е приговориша промежи себе по любви игуменъ
Варламъ святаго Николы и вси старци вежискые с
ыгуменомъ святЪи Богородици с Данилою и съ всими
старци с палЪостровьскими. Что у нихъ два вклада:
единъ у святаго Спаса в РусЪ, а другои в Нередицах
у святаго Спаса у пальостровьскихъ старцевъ, и
намъ тои хлЪбъ святыхъ вкладовъ имати игумену
Варламу и всимъ старцомъ в домъ святаго Николы на
Вежищахъ, всими пальостровьскими. А противъ того
имати игумену Данилу и всимъ старцамъ
пальостровьскимъ в Толвои хлЪбъ у ключника у
вежискаго» десять коробеи ржи, пять коробеи жита,
пятьнатчать коробеи овса. А на то послухъ печать
преосвященнаго архиепископа Великого
Новагорода и Пьскова владыкЪ Ионы. А сия имъ мЪна
неподвижна. А писана сия грамота в лЪто 6000-ное
974-е.
