310
1465—66 г. — Купчая Вяжицкого монастыря у
Ермолы Максимова Водникова на землю на Повенце и
ловища на Онеге озере
Список XVII в. ГИМ, собр. Уварова, по опис. Леонида
№ 1543, отд. IV, № 2, сст. 5; см. легенду к № 292.
АЮБ, II, № 149, IV; Матер. по ист. Карелии, № 27.
Се купи игуменъ Варламъ святаго Николы с Вяжищъ
и вси старцы, вяжитцкие у Ермоле у Максимова у
Водникова на Повенце землю и воду, и полЪшеи лЪсъ,
и пожни, и ловища водная за ОнЪгомъ озеромъ, и в
ОнЪге озере ловища, его участокъ, всЪ без вывета.
И дастъ iгуменъ Варламъ святаго Николы и вси
старцы вяжитцкие Ермоле Максимову на тои земли
на повеницкои и на водЪ, и на пожняхъ, и на
полЪшемъ лЪсе, и на ловищахъ, и на всемъ без
вывета 15 рублевъ. А володЪти игумену Варламу
святаго Николы и всемъ старцамъ вяжитцкимъ тою
землею повенецкою и водою и всЪмъ без вывета.
Куды володЪлъ Максимъ Ивановъ и его сынъ Ермола
Максимовъ по старои грамотЪ, и по старому ободу, и
по рукописаньямъ по Иванову и по Максимову, туды
володЪти игумену Варламу святаго Николы и всЪмъ
старцамъ вяжитцкимъ тою землею повенецкою и
водою и в вЪки. А на то послухи: Федоръ Юрьевъ и
сынъ его Иванъ, Огафъ Степановъ, Иванъ Ивановичь,
Дементеи МоисЪевичь. В лЪто 6000-ное 974-е.
