По благословению господина преосвященнаго архиепископа Великого Новагорода владыки Еуфимия. Что далъ ОлексЪи землю, Толвуискую отчину свою, в домъ святого Николы и в вЪки, [и] игуменъ и вси старцы положиша слово таково с ОлексЪемъ. ВолодЪти ОлексЪю тою землею, Толвоискою вотчиною своею, до своего жи[во]та. А давати ОлексЪю в домъ святого Николы с тои земли половина во всЪмъ. А по его животЪ, ино тая земля вся в домъ святого Николы и в вЪки, и по его данои грамотЪ, и [по] дЪлнои его грамотЪ з братомъ с Ываномъ, и по старымъ грамотамъ отчине его, что далъ в домъ святого Николы тои земли грамоты. А гдЪ будетъ какова християнина и[ли] на землю окупить или помочи чимъ ни буди, а то игумену Якиму и всеи братье с ОлексЪемъ сопча. А гдЪ будетъ о тои земли или о християнине каково слово обидное, ино имъ стоять сь единого. А на то послухи со обЪ половины: посадникъ новгородцкиi Дмитриi Васильевичь, другиi посадникъ Иванъ Ивановичь, тысецкиi новгородски Иванъ Васильевичь, АлексЪи Игнатьевичь.