Се купи Селифонтеи Твердиславъ у Евана у Фомина землю и воду в Унускихъ. А ободъ тои земли от ОнЪга озера по Згиръ ручью вверхъ, от верховья по полЪшему лЪсу ко Ялганде реки, к великому камени, от камени внизъ по Ялганде реки в Шалу реку, внизъ к Шалскои матке, а по матки в Унаискии ручеи, да внизъ по ручью в Унаискую губу, по ужнои сторонЪ деревня в ОнЪго озеро Клошимъ. А по тому заводу в матерои земли и в островахъ селища, и пожни, и полЪшей лЪсъ, и водные ловища в ОнЪги [290] озерЪ. А на всемъ томъ безъ вывЪта да Ивану Фомину восмь рублевъ Селифонтеи, собЪ и своимъ дЪтемъ одерень и в вЪки. А на то послуси: Иване Фомине, Федоре Игнатьеве, Демиде Волосове.