Се купи ТимофЪевы дЪти Михаило, и Степанъ, и Петре у ЕвсЪя в Ыванова сына село земли в Курii возле Пограи с верхнои стороны: дворъ и дворищо, и орамые земли горнiи, и островскiе земли орамые, и пожни, и притеребы, и ловища, i вси угодья тихъ земель въ всЪмъ безъ вывета, — чимъ володЪлъ отецъ ЕвсЪевъ Иванъ и сынъ ЕвсЪи, тимъ володЪти Михаилу, и Степану, и Петру, — и на горЪ и на Ко[не]ви острови и Волняничкомъ островки двЪ чясти. А межа тому островку по старымъ межамъ, инымъ землемъ горнимъ и островскимъ по старымъ межамъ межи. А купили (Здесь кончается список XVI в.; дальнейшее — по списку 1633 г.) и [273] с старыми грамотамi тЪхъ земель. А далъ Михаило и Степанъ и Петръ на тоi земли ЕвсЪю тысячю бЪлки, а пополонка два пуза ръжи сЪмянноi. А купилъ Михаило и Степанъ и Петрь одерень тую землю собЪ и своимъ дЪтемъ. А на то послухи: ОвдЪи Мининъ, Борiсъ Леонтиевичь, Федоръ Кюровичь, Степанъ Клементиевiчь, Ананiя Степановичь. А на заводи были тЪ же люди. А у печати сътоялъ у сеi грамоты ЕвсЪi Iвановичь самъ. А в очищенii (В списке: очиненii.) тои земли ЕвсЪi Iвановичь ялся.