† По благословенiю нареченнаго на архiепископъство Великаго Новагорода и Пъскова священноинока Феофила. Се прiехаша к великому князю Иоанну (Сб. ГПБ здесь и далее: Ивану.) Васильевичю всея Руси и къ его сыну великому князю Iоанну Иоанновичю (Сб. здесь и далее: Ивановичю.) всеа Руси от посадника новогородскаго ТимофЪя Остафьевiча, и от тысяцкого новогородского Василья Максимовича, от всего Великаго Новагорода посадники новогородские, посадникъ Иванъ Лукиничь, посадникъ Яковъ Александровичь, посадникъ Фефилатъ Захарьиничь, посадникъ Лука Феодоровичь, посадникъ Иванъ Васильевичь; а от житьихъ Лука Остафьевичь, Александръ Клементьевичь, Феодоръ Iевличь, Окинфъ Васильевичь, Дмитреи Михаиловичь и добили челомъ своеи господЪ великимъ княземъ, и кончали миръ по крестнымъ грамотамъ с великимъ княземъ Иоанномъ Васильевичемъ и съ его сыномъ великимъ княземъ Iоанномъ Иоанновичемъ. Какъ целовалъ князь велики АндрЪи, и князь велики Иоаннъ, и князь велики Семенъ, и прадЪдъ (Сб.: прапрадЪдъ.) твои князь велики Иоаннъ, и прадЪдъ (Сб.: прапрадЪдъ.) твои князь велики Дмитреи, и дЪдъ твои князь велики Василеи, и отець твои князь великий Василеи, целуи, господине князь велики Иванъ Васильевичь и князь велики Иванъ Ивановичь, по тому же крестъ ко всему Великому Новугороду и по сеи грамотЪ. Новгородъ, господине, держати вамъ въ старинЪ, по пошлинЪ, без обиды; а намъ, мужемъ новогородцомъ, княжение ваше держати честно и грозно, безъ обиды. А за короля и за великого князя литовского, хто король или великии князь [46] на ЛитвЪ ни буди, от васъ, от великихъ князеи, намъ, вашей отчинЪ Великому Новугороду, мужемъ вол[ь]нымъ не отдатися нiкоторою хитростью, а быти намъ от васъ, от великихъ князеи, неотступнымъ ни х кому. А князеи намъ у короля (Сб. ГПБ добавл. и у.) великого князя литовского собЪ на пригороды не просити, нi приимати из Литвы князей в Великии Новгородъ. Также намъ, Великому Новугороду, отчинЪ вашеи, недруговъ вашихъ, великихъ князеи, князя Ивана Можаиского, и князя Иоанна (Сб.: Ивана.) Шемякина, и князя Василья Ярославича, и ихъ детеи и ихъ зятии к собъ в Новгородъ не приимати. А послЪ сего докончания и из Московскои земли из великого княжениа хто лиходЪи великихъ князеи прiедетъ в Великии Новгородъ, и Но[ву]городу (В списке ЦГАДА: Ногороду; Сб.: Новугороду.) ихъ не примати; (Сб.: приимати.) или хто лиходЪи великихъ князеи побежитъ из Московскои земли в Литву или в НЪмци, а из Литвы или из НЪмець прибЪжитъ в Новгородъ, и Новугороду ихъ не приимати. А на владычьство намъ, Великому Новугороду, избирати намъ (Сб.: намъ нет.) собЪ по своеи старинЪ; а ставитися нашему владыцЪ в дому Пречистые и у гроба святого Петра чюдотворца на МосквЪ у васъ, у великихъ князеи и у вашего отца, у митрополита, который митрополитъ у васъ, у великихъ князеи, (Сб. добавл.: на МосквЪ.) ни будетъ; а индЪ намъ владыки, опрочЪ московъского митрополита, нiгдЪ не ставити. А пошлины вамъ, великимъ княземъ, и вашему отьцу митрополиту от владыки имати по старинЪ; а лишнего не прiбавливати. А на ВолоцЪ и на ВологдЪ владыцЪ церкви и десятина и пошлина своя вЪдати по старинЪ. А что Юрьевъского манастыря земля на ВолоцЪ, и та земля къ Юрьеву манастырю по старiне. А пошлинъ вашихъ, велiкихъ князеи, намъ, Великому Новугороду, не таити, по крестному целованiю. А что волостеи новогородцкихъ всЪхъ, вамъ не держати своими мужи, (В списке еще одно ж над строкой.) держати вамъ мужи новогородскими, и даръ имати от тЪхъ волостеи. А безъ посадника вамъ, великимъ княземъ, суда не судити, ни волостеи роздавати, ни грамотъ давати. А что вамъ, великимъ княземъ, пошлина в Торжку: тиуны (Сб.: тивунъ.) свои держати на своеи части, а Новугороду на своеи части. А в БЪжычахъ вамъ, великимъ княземъ, ни вашимъ княгинямъ, ни вашимъ бояромъ, нi вашимъ слугамъ селъ не держати, ни купити, ни даромъ не примати, по всеи волости Новугородскои. А се вы волости новугородскии: [47] Торжокъ, БЪжичи, Городець Палець, (Городець и Палець отделены в списке ЦГАДА точкой.) Шипина, Мелечя, Егна, Заволочие, Тиргъ, (Сб. ГПБ: Тигрь.) Пермь, Печера, Югра. А в Русу вамъ, великимъ (Сб.: великие.) княземъ, (Сб.: князи.) ездити на третьюю зиму. А лЪтЪ Ъздити на Възвадъ звереи гонити. А в Ладогу вамъ слати осетреники и медовары по старымъ грамотамъ по крестнымъ. А в Ладогу вамъ, великимъ (Сб.: великие.) княземъ, (Сб.: князи.) ездити на третiее лъто. А из БЪжичь вамъ, великие князи, не выводити (Сб. добавл.: людеи.) въ свою волость, ни (Сб.: не.) из ыныхъ волостеи новогородскихъ, ни грамотъ давати, ни закладнеи не держати, ни приимати ни вашимъ княгинямъ, ни вашимъ бояромъ, ни купчины. А безъ вины вамъ, великие князи, мужа волости не лишити, ни грамотъ ни посужати. А пожни, великие князи, ваши и вашыхъ мужеи, (Сб.: мужъ.) то вашы и вашихъ мужеи; а што пожни новогородские, а то к Новугороду, какъ пошло. А дворяномъ нашымъ, какъ пошло, погонъ имати: ото князя по пяти кунъ, а от тиуна по двЪ куны. А что мытъ по Суздальскои земли в вашеи волости: от воза имати по двЪ вЪкши, и от лодьи, и от хмелна короба, и ото лняна. А дворяномъ вашымъ у купцовъ повоза не имати, развЪе ратные вЪсти. А слободъ и селъ князи великие съступилися Великому Новугороду; на Новгородскои земли селъ не ставити. А на Имоложскомъ (Сб.: Имоволожскомъ.) погостЪ куны имати. А холопъ или роба иметь на господу (Сб.: осподу.) вадити, тому вамъ вЪры не яти. (В списке: иняти; сб.: няти.) Ни на Низу новогородца не судити, ни дани роздавати, ни пристававъ вамъ не всылати во всю волость Новогородскую, с Низу не всылати; также намъ, новогородцемъ, вашихъ, великихъ князеи, торговцевъ изо всего великого (Сб.: великого нет.) княженiя вашего в НовЪгородЪ не судити. А что вамъ, великие князи, гнЪвъ на владыку, и на посадника, и на тысяцкого, и на весь Новгородъ, то вамъ, великие князи, нелюбие отложити. А хто почнетъ вамъ (Сб.: вамъ нет.) вадити, тому вамъ вЪры не яти. (Сб.: иняти.) А про послы и про купци новогородцкие, тЪхъ вамъ не приимати. А в Немецкомъ дворЪ торговати нашеи братие (Сб.: братьи.) новогородцомъ; а приставовъ [48] вамъ не приставливати. А гостемъ гостити без рубежа, по цесаревЪ грамотЪ. А судеи слати по волостемъ на Петровъ день, какъ пошло. А вывода межи Суздальскои земли и Новугородскои не чинити. А закладнеи вамъ, великие князи, и вашимъ княгинямъ, и вашимъ бояромъ в Торжку не держати, ни во всей волости Новугородскои: а купець поЪдетъ (Сб. ГПБ: поидетъ.) во сто, а смердъ потянеть въ свои потугъ, какъ пошло, к Новугороду. А на томъ на всемъ, господине князь велики Иоаннъ Васильевичь всея Руси и князь велики Иванъ Ивановичь всея Руси, целуите господень, (Сб.: господине.) крестъ ко всему Великому Новугороду, безо всякого извЪта; также и мы, посадники, и тысяцкие, и весь Великии Новгородъ, целуемъ крестъ ко своеи господЪ к великимъ княземъ, к великому князю Ивану Васильевичу всея Руси и к великому князю Ивану Ивановичю всея Руси, по любви въ правду, безо всякие хитрости. А писана в лето (Сб. вм. в лето — лета.) 79 августа (Сб. далее: месяца.) 11.