Се добилъ челомъ великому князю Ивану Василiевичю всея Руси и сыну его великому князю Ивану Ивановичю всея Руси наречены на архiепископство Великого Новагорода и Пскова священноинокъ Фефилъ, и посадники новгородскiе Иванъ Лукиничь, посадникъ Яковъ Александровичь, посадникъ Фефилатъ Захарьиничь, посадникъ Лука Федоровичь, посадникъ Иванъ Васильевичь, и житiи Лука Остафьевичь, Олександръ Климентiевичь, Федоръ Иевличь, Онкифъ Василiевичь, Дмитреи Михаиловичь, по ноугородскому веленiю всего Новагорода, за новогородскую проступку, полушестьминадцаты тысячи рублевъ денгами в отчетъ, а серебромъ в отвЪсъ. А дати намъ то серебро своеи господЪ великимъ княземъ на Рожество святiе богородици полтретьи тысячи рублевъ, а на Крещенiе господне три тысячи рублевъ, а на Великъ день пять тысячь рублевъ, а на Успенiе святые богородици, в тои же годъ, пять тысячь рублевъ. А дати намъ тое серебро на тые сроки, по крестному целованiю. А сия грамота писана лЪта семьдесятъ девятаго аугуста 9. [45]