Се заплатиша от Великого Новагорода подвоиские ноугородскiе Степанъ Илiинъ, Степанъ Григорiевъ и вечны дьякъ Яковъ Ивану Володимеровичю тысячю рублевъ да сто рублевъ послЪднего платежа. Что добили челомъ бояре ноугородскiе великому князю въ Яжелбицахъ, посадникъ Григореи Даниловичь, посадникъ Федоръ Яковличь, посадникъ Василеи [44] Степановичь, тысяцкои (В списке: тысяцкихъ.) Яковъ Ивановичь, тысяцкои Василеи ПантелЪевичь, а от житьихъ Офоносъ Микулиничь, Иванъ Юрiевичь, Яковъ Ивановичь полудевятою тысячею рублевъ, и грамоту дали великому князю в тои полудевятЪ тысячЪ рублевъ и в залозехъ от ДЪмонского докончанiа, за своими печатьми, и честныи крестъ целовали, ино та полдевяты тысячи рублевъ великому князю дошла чисто вся, а залоги от ДЪмонского докончанья осталися за Новымъгородомъ. И мы ту грамоту у Ивана взяли, а в залозехъ есмя великого князя, что ся за нами остало от ДЪмонского докончанья, дали на собя сю грамоту, что справити намъ всЪ залоги по крестному целованью, по тому как целовали въ Яжелбицахъ посадникъ Григореи Даниловичь, посадникъ Федоръ Яковличь, посадникъ Василеи Степановичь, тысяцкiе Яковъ Ивановичь, Василеи ПантелЪевичь, а от житьихъ Офоносъ Микулиничь, Иванъ Юрьевичь, Яковъ Ивановичь к великому князю. А какъ залоги доидутъ всЪ великого князя, ино ся грамота подрати. А запечатали есмя сю грамоту печатiю посадничею степенного Ивана Лукинича и тысяцкого степенного печатiю Михаиловою АндрЪевича.