Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

1456 г. конец февраля. — Договорные грамоты Великого Новгорода с великим князем Василием Васильевичем о мире в Яжелбицах

23

Грамота московская

Список конца XV — начала XVI в. ГПБ, сборник 0. IV. 14, лл. 6—10 об. ААЭ, I, № 58.

А се за то ялися послове от Великого Новагорода к великому князю Василiю Василiевичю всея Руси и къ его сыну к великому князю Ивану Василiевичю всея Руси по новогородскому слову и по новогородскои грамотЪ, на чемъ послали к великимъ княземъ посадника Григорiа Даниловичя, посадника Федора Яковличя, посадника Василiа Степановичя, тысяцского Якова Ивановичя и тысяцского Василiа Пантелеевичя, а от житьихъ людеи Офонаса Микулиничя, Ивана Юрiевичя, Якова Ивановичя, ЕремЪя Кузминичя, Василiя Захарьиничя. ПовелЪхомъ судъ дати на Городище: от великихъ князеи бояринъ судьею, а от Новагорода бояринъ. Судити имъ князеи великихъ человека съ новогородцемъ; а судити имъ какъ право, по крестному целованiю; аже ся сопрутъ о которомъ дЪле, а не могутъ управiти, и коли будетъ князь великiи в НовЪгородЪ, или князя великого сынъ, или князеи великихъ братъ, и тому дЪлу тогды учинитъ князь на Городище с посадникомъ конець. А что закладъ в рядныхъ грамотахъ, а то велЪхомъ иматi княземъ великимъ съ владыкою на виноватомъ от сего докончанiа. А крюкъ князю великому по старинЪ, на третеи годъ. А от волостеи даръ имати по старинЪ. А печати быти князеи [42] великихъ. А виры имати княземъ великимъ по старинЪ, а новогородцомъ (В списке: новгородцевъ.) не таити. А пошлинъ князя великого новогородцомъ не таити, по крестному целованiю. А что земли ростовскiе и бЪлозерскiе, что покупили наши новогородци, а тыхъ земль княземъ великимъ съступилися и грамоты подавали. А полонъ с обЪ половины без окупа; а хто будетъ продавалъ полонъ въ княженьи в великомъ, а тому серебру погребъ с обЪ сторонЪ; а хто будеть продалъ полоняника своему, тому ся увЪдати самому, а полоняникъ поидетъ прочь. А с новоторъжцевъ князи великiи целованiе сложили. А что серебро и хлЪбъ княземъ великимъ не добранъ в Торъжку или на губахъ, а то княземъ великимъ не надобЪ; а хто будетъ данъ на поруце в серебрЪ или въ хлЪбе, с тыхъ порука доловъ; а что собрано, а то княземъ великимъ; а Новъгороду в томъ дЪле на новоторъжцовъ нелюбiа не держати, ни мщатися никоторою хитростью. А что воина была князеи великихъ надъ Новогородскою волостiю, или новогородская воина была надъ великихъ князеи волостьми, тому всему погребъ. А после сего крестного целованiа, аже доспЪется воина с обЪ половины, а не вЪдая сего докончанiа, иманое назадъ отдати с обЪ половины. А учинятся мертвые, а почнутъ клепати мертвыми или грабежомъ с обЪ половины, ино судъ тому на Городище передъ тыми судьями. А что былi воины и грабежи из великого княженiа и из Новогородскои вотчины до складнои грамоты великого князя, с обЪ половины, тому судъ на Городище. А суда имъ у князя у великого намЪстниковъ в НовЪгородЪ не отъимати, развЪе ратной вЪсти, или городъ коли имутъ дЪлати, без хитрости. А вЪчнымъ граматамъ не быти. А в Водцскую землю слати княземъ великимъ ежегодъ, по старинЪ. А коли приведется взяти княземъ великимъ черныи боръ, и намъ дати черной боръ по старинЪ. А позовъ по волостемъ по новогородскымъ позывати позовникомъ князеи великихъ да новогородскымъ; а в город[е] позывати князеи великихъ подвоискiи, а новогородскои подвоискiи так[о]же. Что наши братiа новогородци покупили земли ростовскiе и бЪлозерскiе или даромъ поимали, и намъ тыхъ земль, обыскавъ, отступитися вамъ, великимъ княземъ, по крестному целованiю; а хто которои земли запритца, тому судъ и исправа, по крьстному целованiю. А приЪдутъ к намъ к великимъ княземъ от Великого Новагорода послы новогородскые о какихъ обидныхъ дЪлехъ исправы просити, а наЪдутъ насъ обЪихъ великихъ князеи в Рускои землЪ, ино имъ посолство правити обЪма великимъ княземъ и исправы просити у обЪихъ, (В списке: обЪю ихъ.) а имъ исправа дати (После дати подчищенное пустое место, где было и отвЪть.) Великому Новугороду, по крестному целованiю, и отвЪтъ дати Великому Новугороду. А наЪдутъ одного великого князя в Рускои землЪ, ино одному посолство правити; а ему исправа дати [43] Великому Новугороду, по тому же крестному целованiю, и отвЪтъ дати Великому Новугороду. А Великому Новугороду князя Ивана АндрЪевичя Можаиского и его дЪтеи, и князя Ивана Дмитреевичя Шемякина и его дЪтеи и его матери княгини Софьи и (В списке и повторено дважды.) еЪ дЪтеи и зятьи Новугороду не приимати. А после сего докончанiа из Московскои землi изъ великого княженiа хто приЪдетъ лиходЪи великихъ князеи в Великiи Новгородъ, и Новугороду ихъ не приимати; или хто лиходЪи великихъ князеи побЪжитъ изъ Рускои земли изъ Московского княженiа в Литву или в НЪмци, а iз Литвы или изъ Немець прибЪжитъ к Великому (Великому над строкой.) Новугороду, и Новугороду тыхъ лиходЪевъ не прiимати. А коихъ людеи привели к целованiю за великихъ князеи, кои живутъ на Новогородскои землЪ в Торъжку, или за Волокомъ, или индЪ, гдЪ ни есть, а с тыхъ людеи князи великiи целованiе сложиша; а земли и воды к Великому Новугороду, по старинЪ и по старымъ по крестнымъ грамотамъ; а на тыхъ людеи Новугороду про то нелюбiа не держати, по крестному целованiю. А что нятцевъ или полону у великихъ князеи, или у Великого Новагорода нятцевъ и полону, и старого полону великихъ князеи и его братьи молодшои изо всего его великого княженiа, ино тыи нятци и тои полонъ отпустиша без окупа на обе половинЪ, и старои и новои. А на томъ на всемъ, князи великiе, целуите крестъ ко всему Великому Новугороду, безо всякого извЪта; такоже посадники, и тысяцскiе, и весь Великiи Новгородъ, целуите крестъ к великому князю Василью Васильевичю всея Руси и к великому князю Ивану Васильевичю всея Руси, по любви в правду, безо всякои хитрости.

Еще больше интересных материалов на нашем телеграм-канале ⏳Вперед в прошлое | Документы и факты⏳

Главная страница  | Обратная связь
COPYRIGHT © 2008-2024  All Rights Reserved.