По благословению преосвященнаго архиепископа Великого Новагорода и Пьскова владыки Еуфимiа, от посадника ноугородского Ивана Лукиничя, от тысетского ноугородского Василiа ПантелЪевичя, и от всего Великого Новагорода. Се приЪхали послове к великому князю Василiю Василiевичю всея Руси и к великому князю Ивану Василiевичю всея Руси от Великого Новагорода посадникъ ноугородскыи Григореи Даниловичь, посадникъ ноугородскыи Федоръ Яковличь, посадникъ ноугородскыи Василеи Степановичь, тысятскои ноугородскыи Яковъ Ивановичь, тысятскыи ноугородскыи Василеи ПантелЪевичь, а от житьихъ Офонасъ Микуличь, Иванъ Юрiевичь, Яковъ Ивановичь, ЕремЪи Кузмичь, Василеи Захарьиничь и докончали миръ по крестнымъ грамотамъ со княземъ с [40] великимъ с Василiемъ с Василiевич[емъ] (Последние буквы заклеены.) и со княземъ великимъ Иваномъ Василiевичемъ. Какъ целовалъ князь великыи ОндрЪи, и князь великыи Иванъ, и князь великыи Семенъ, и прадЪдъ твои князь великы[и] Иванъ, и дЪдъ твои князь великыи Дмитрiи, и отець твои князь великыи Василеи, целуи, господине князь великыи Василеи Василiевичь и князь великыи Иванъ Василiиевичь, по тому же крестъ ко всему Великому Ноугороду. Новъгородъ держати вамъ в старинЪ, по пошлинЪ, без обиды; а намъ, мужемъ ноугородцемъ, княженiе ваше держати честно и грозно, без обиды. А пошлинъ вашихъ, князеи великихъ, не таити, по целованiю. А что волостеи ноугородцкiхъ всЪхъ, вамъ не держати своими мужи, держати мужи ноугородцкими, и даръ имати от тЪхъ волостеи. А без посадника вамъ, князи, суда не судити, ни волостеи роздавати, ни грамотъ давати. А что вамъ пошлiна в Торжку и на ВолоцЪ: тиунъ свои держати на своеи части, а ноугородцомъ на своеи части. А в БЪжыцахъ вамъ, князи великыи, ни вашимъ княгинямъ, ни вашимъ бояромъ, ни вашимъ слугамъ селъ не держати, ни купити, ни даромъ не приимати, по всеи волости Ноугородцкои. А се вы волости ноугородцкiе: Волокъ со всЪми волостьми, Торжокъ, БЪжици, Городець Палець, Шипино, Мелеца, Егна, Заволочье, Тирь, Пермь, Печера, Югра, Вологда. А в Русу вамъ, князи, Ъздити на третiю зиму. А лЪтЪ Ъздити на Взвадъ звЪри гонити. А в Ладогу вамъ слати осетреникы и медовары, по старымъ грамотамъ по крестнымъ. А в Ладогу вамъ, князи, Ъздити на третiее лъто. А из БЪжиць вамъ, князи, не выводити людеи въ свою волость, ни из ыныхъ волостеи ноугородцкыхъ, ни грамотъ давати, ни закладнеи не держати ни приимати, ни вашимъ княгинямъ, ни вашимъ бояромъ, (Далее, вероятно, пропущено: ни смерда; ср. № 19.) ни купчины. А без вины вамъ, князи, мужа волости не лишити, ни грамотъ не посужати. А пожни, князи, ваши и вашихъ мужеи, то ваши и вашихъ мужеи; а что пожни ноугородскыи, а то к Ноугороду, какъ пошло. А дворяномъ вашимъ, какъ пошло, погонъ имати: от князя по пяти кунъ, а от тиуна по двЪ куны. А что мытъ по Суздалскои землЪ в вашеи волости: от воза имати по двЪ вЪкши, и от лодьи, и от хмелна короба, и ото лняна. А дворяномъ вашимъ у купцовъ повоза не имати, развЪе ратные вЪсти. А слободъ и селъ, князи великiи, съступилися Великому Ноугороду; на Ноугородскои землЪ селъ не ставити. А на Имоволожскомъ погостЪ куны имати. А холопъ или роба иметъ на господу вадити, тому вамъ вЪры не няти. Ни на Низу ноугородца не судити, ни дани роздавати, ни приставовъ вамъ не всылати во всю волость Ноугородцкую, с Низу не всылати. А что вамъ, князи великыи, гнЪвъ на владыку, и на посадника, и на тысецкого, и на весь Новъгородъ, то вамъ, князи великии, нелюбiе отложити. А хто вамъ почнетъ вадити, а тому вЪры не няти. А про [41] послы и про купци ноугородцкыи, тЪхъ вамъ не приимати. А в НЪмецкомъ дворЪ торговати нашей братьи ноугородцемъ. А двора вамъ не затворяти, ни приставов не приставливати. А на том вамъ, князи великыи, крьстъ целовати ко всему Великому Ноугороду. А гостемъ гостити без рубежа, по цесаревЪ грамотЪ. А судеи слати по волостемъ на Петровъ день, какъ пошло. А вывода межи Суздальскои земли и Ноугородцкои не чинити. А закладнеи вамъ, князи великыи, и вашимъ княгинямъ, ни вашимъ бояромъ в Торжку не держати, ни во всеи волости Ноугородцкои: а купець поидетъ во сто, а смердъ потянетъ въ свои потугъ, какъ пошло, к Ноугороду. А на томъ на всемъ, князь великыи Василеи Василiевичь и князь великыи Иванъ Василiиевичь, целуите крестъ ко всему Великому Ноугороду, безо всякого извЪта; такоже и посадникъ, и тысяцкыи, и весь Великои Новъгородъ, целуите крестъ к великому князю ВасилiюВасилiевичю всея Руси, и к великому князю Ивану Василiевичю всея Руси, по любви в правду, безо всякои хитрости.