Доложа тиуна княжого Васильева Васильевичя Григорья Тишькова. Се язъ Миня Васильевъ сынъ купилъ есми себЪ землю и своимъ дЪтемь у Никона у ФилЪмова сына у БЪлоусова, отчину его, а далъ есми ему на тои земли семънацать сороковь бЪлъкЪ, а пополънька пузъ ржы, земля в Лялини погости и прикупную землю, дворъ и дворищо, орамые земли, и пожни, и притеребы, и ловища, в ЛялинЪ курье участокъ рыбы ловити, и в тоняхъ участокъ в ЛялинЪ прилукЪ в большемъ и в меньшемъ, и в Хиченискои тонЪ участокъ, и в Хабокурьи участокъ; а тымь землямъ и пожнямъ и тонямъ межи по старымь межамъ; а во се, господине, продавець Никонъ предъ тобою. И тиунъ Тишковь вспросилъ Никона: продалъ ли еси свои участокъ земли в ЛялинЪ погости и в тоняхъ, и взялъ ли еси на тое земли 17 сороковь бЪлкЪ, а пополънъка пузъ ржы? И Никонъ тако реклъ: продалъ есми, господине, тому Мини свои участокъ земли, в ЛялЪни погостЪ свои участокъ отчины и прикупное земли и в тоняхъ, а взялъ есми, господине, у нево 17 сороковь бЪлькЪ, а пополнька пузъ ржы. А на то послухы: Василеи Григорьевь, соцькои, Остафеи ОнуфрЪевь, Степанъ Омосовь, Григореи Федоровь. А докладную писалъ дьякъ Фетько [244] земьское. А сию землю купилъ Миня на женни куны, опришьно отца и братьи своеи, в лЪто 80 десяте маръта 9.