|
214
Середина XV в. — Купчая Михайловского
Архангельского монастыря у Василия Григорьева
на село на Косткове горе
Список XVII в.; озаглавлен: Списокъ с купчеи с
харатеиные; после текста: У подлиннои
харатеинои купчеи в конце печать свинцовая
вислая; на верхнем поле лл. 144 и 144 об.: Списокъ
с купчеи Косковы горы; на левом поле, против
начала грамоты, другим почерком: Коскова гора. БАН,
Архангельское собрание, № 1192, лл. 143 об.—144 об.
АЮ, № 71, XXXVII; Шахматов, Исследование, № 44.
Основание датировки: упоминание игумена
Андрияна и старосты Федора, который был
старостой после Степана (см. № 210).
Се купил[и] iгуменъ Ондреянъ святаго Михаила, i
староста святаго Михаила Федоръ чернецъ, i все
стадо святаго Михаила у Василья у [240] Григорьева сына у
Софонтиевича село земли на Косъткове горЪ:
горные земли i юрмольские (В
списке: юрьевские.) орамые, и пожни,
i притеребы, i ловища, i лЪсы того села, i дворъ и
дворище, i гумнище, i в острове девятая доль, i в
Пукомы реке пожни i перевЪсища. Что взялъ
Софонтеи, дЪдъ Васильевъ, (В
списке: Софоьтьевъ дЪдъ Василеи.)
у игумена святаго Михаила, i у старосты у
Степана чернеца, i у всего стада девять рублевъ
серебра, да полтретьятцать сороковъ бЪлки, да
девять пузовъ жита до кунъ, а выкупите было
своими куны, i донялъ Василеи Григорьевъ сынъ
Софонтиевъ внукъ у iгумена, i у старосты, i всего
стада к тымъ кунамъ сорокъ бЪлъ, да пополонка три
пузы ржы. А купили и в вЪки святому Михаилу. А межи
по старымъ межамъ, кудЪ владЪли Акинфеи i
Софонтеи i ихъ дЪти. А на то послуси: Яковъ
Олександровичь, Михаило Олферьевичь, Степанъ
Онтоновичь. А у печати стоялъ Василеи i земли
завелъ.
|
