Се срядились iгуменъ Ондреянъ святаго Михаила, i староста чернецкии Федоръ, и вси чернцы святаго Михаила с Прокопьемъ Юрьевымъ сыномъ о земли, что усть курьи, что была межу ими в спори. И Прокопеи своеи половины отступился святому Михаилу, i игумену, i чернцамъ святаго Михаила. I дали чернцы Прокопию на прощеньи полтора сорока бЪлки. А потомъ не надобЪ Прокопию ни до игумена, ни до старосты, ни до чернцовъ, ни до тое земли ничтоже; ни iгумену, ни чернцамъ; не надобЪ до Прокопия никоего же дЪла. А та земля святому Михаилу чиста и в вЪки. А на то с обЪ (В списке: А на тои себЪ.) половины рядцы: Михаила АхромЪевьчь, Ананья Арефьевичь, Григореи Васильевичь Сувои, Семенъ Костянтиновичь. А хто сеи [239] ряде подвинетъ, дасть судьи гривну золота. А в печати стоялъ Иванъ Григорьевичь с обе половины. А подлинную рядную писалъ грамоту Григореи, дьякъ святаго Михаила.