Подлинник на пергамене; на обороте почерком XVIII в.: Старинная на КЪхту деревню. Печать свинцовая круглая на нитяном шнурке; на одной стороне: *** (печать Патрикея Дмитреевича.); на другой внутри ободка из точек изображение птицы. ЛОИИ, ААЭ, № XXIII, 3.

Се купи Мел[е]нтЪи Ефимьевичь Чевака у Ортемьи у Дементиева село земли в Нижно КЪхтЪ, дворъ и дворищо, горнии орамыи земли, и юрмольскии орамыи земли, и наречскии орамыи земли, и пожни, и притеребы, и перевЪсЪща, и лов[и]ща, и в ВЪчЪеви тони участокъ, и в Зимнеи тони участокъ; и в путикехъ и в лЪсехъ участокъ поземли, и с подскотиню участокъ, а межа тои п[о]скотинЪ от погоста по речкЪ по Турокурие да по в[е]шняку по Зиноевъскую реку; а в ту поскотину (В подлиннике: поскотискотину.) скота не пущали, поскотина у нихъ своя и тягло у нихъ свое с княжьостровци. Чимъ володЪлъ Ортемеи, по отца своего и по братьи своеи по купнымъ грамотамъ по дернымъ и по розделнои грамоте з братомъ своимъ с Семеномъ, своимъ уч[а]сткомъ земли, и пожнями, и всими угодьи, тимъ володЪтЪ Мелентю Чеваки и его дЪтемъ, тими землями, и пож[н]ями, и всими угодии, по Ортемьин[у] володЪнию. А далъ на томъ на всемъ МелентЪи Чевака Ортемьи Дементееву осмьн[а]тцать рубловъ серебра, а пополонка корову. А купилъ МелентЪи собЪ и своимъ дЪтемъ одерень. А на то послухи: Кир[ил]е Юрьевичи, Василеи Юрьевичь (В подлиннике: Юрьечвичь.), Микифоръ Ивановиче. А [у] печати стоялъ самъ Ортемеи. А грамоту писалъ Григореи, дьякъ святаго Спаса. [221]