177
Середина XV в. — Купчая Федора Макарова
сына у Онцифора Андроникова сына на села на Низу
у Яковли курьи и землю в Лавкоте
Подлинник на пергамене. Печать свинцовая
овальная на нитяном шнурке Якова Ивановича,
такая же, как при № 175. ЛОИИ, ААЭ, № XXIII, 4.
АЮ, № 71, VI; Шахматов, Исследование, № 90; Архив
Строева, I, № 15. — Печать воспроизведена: Лихачев,
Альбом, XIX, 10.
Основание датировки: печать Якова Ивановича,
см. № 175.
Се купи Федоръ Макаровъ сынъ у Онцифора у
Ондроникова сына землю на Низу у Яковли курьи три
села: дворы и дворища, орамыи земли тихъ селъ по
старымъ межамъ и с притеребы, и пожни тихъ селъ по
старымъ межамъ и с притеребы, и ловища тихъ селъ,
и хмелники тихъ селъ, а межа тимъ землямъ от
Остафьеви земли Ивановича до ЕвсЪеви земли до
Ондроникова, и в Лавкоти половина орамои земли, и
в пожняхъ по старымъ межамъ, и с притеребы, и в
ловищахъ, и въ хмелникехъ. Чимъ володилъ Онцифоръ
отчиною своею, тихъ трехъ селъ орамыми землями, и
пожнями, и ловищи, и хмелниками, тимъ володЪтЪ
Федору Макарову, и подскотини половина противъ
тихъ земель. А другая половина тои подскотини
другимъ тремъ селамъ ЕвсЪя Ондроникова, да
Степана Васильевича да Остафья Ивановича. А далъ
Федоръ Онцифору на тихъ трехъ селехъ
полшестадЪсятъ сороковъ бЪлки, а пополонка конь
воронъ в пять сороковъ. А купилъ Федоръ Макаровъ
сынъ ти три села у Онцифора у Ондроникова сына
собЪ и своимъ дЪтемъ одерень и зъ старою грамотою
з Григорьевою з даною тихъ земель. А хто почне
наступати на ти земли, ино очищивати ти земли
Онцифору и его дЪтемъ. А на то послухи: ЕвсЪи
Ондрониковъ, Степанъ Онтоновичь, ОлфромЪи
Микулиничь, Иванъ Оврамовъ, Филиксъ Павловъ,
Онисимъ Федоровичь, Степанъ Семеновичь. А
грамоту писалъ Григореи, дьякъ святаго Спаса. А в
печати стоялъ Онцифоръ Ондрониковъ сынъ самъ и
землю завелъ.
