Во имя отца и сына и святаго духа. Се азъ рабъ божии СергЪi чернець скимникъ Маныловъ сынъ писалъ есмь рукописанье при своемъ животи. Далъ семи святому Николи отчину свою вчастокъ, свои орамыи земли и пожни, и братняя вчастка Микитина половина во всемъ: на гори в лЪсномъ поли полоса земли; другая полоса земли в лесном же поли, выменялъ ею в Селюши в Павлова, а далъ противу тое в Романови вЪ[ре]тЪи землю и з закраиною, конець Селюшины земли, а та мена моя ч[ис]та; в Замикитьи деревня по половинамъ с Федоромъ, и дворище свое и полъ огородца и полъ телятника; а что (В подлиннике: что с выносным с.) перевЪсЪща у Фоминыхъ перевЪсЪщь два отчины моеи, а то зъ братомъ моимъ с Федоромъ не дЪлно; а что (В подлиннике: что с выносным с.) за КЪргозеромъ путикъ подли Нарву рЪку, то ми с Федоромъ по половинамъ; у дЪдова Вогана пожня в Лости, а межа тое пожни с верхнего конца от Грихновы межи, то ми с Федоромъ (В подлиннике: Ведоромъ.) по половинамъ; в Шевцеви пожня рЪпЪще пониже Фомины орамои земли и пожни кутець весь и с притеребомъ, то ми с Федо[ро]мъ по половинамъ, и заложили есмя ту пожню с Федоромъ Петру Родивонову въ 30 бЪлахъ до кунъ, и вы выкупите ее святому Николи. А что (В подлиннике: что с выносным с.) есмя заложили зъ братомъ моимъ с Федоромъ Соболю Сави в Замикитьи лоскутъ земли, другии лоскутъ в Чицилови, 3-и лоскутъ на Романови верЪтЪи въ 40 бЪлахъ, и вы мою половину выкупите святому Николи, даите 20 бЪлъ святому Николи. Свои вчастокъ и брата своего половину вчастка Микитина далъ есми святому Николи и в вЪки по отца своего души, и по своеи души, и по роду по племяни. А на то богъ послухъ, и отець мои духовныи игуменъ Василеи святаго Николы и вся братья. [213]