Се далъ АлЪксъ чернець святому Николи i вЪкЪ землю Захаркиньскую i пожни, куплю свою, на Маломъ островки в нижномъ конци, с верхьнего конца орамая земля от Степановы земли Федоровичя, i пожня, логъ i кутъ весь. А отчины своеi участокъ весь своi приказалъ Василеi братьi своеi володЪтЪ до моего живота. А по моемъ животЪ отдаiте, братья моя, отчину мою, отдаiте земли i пожни святому Николи i вЪки. Iгнатъ, i Сава Петровъ, i Терехъ Омельяновъ, i Степанъ Левуновъ, i Iвашь Петровъ, i Кузма з братомъ с Федутою Самсоновы дЪтЪ отступилися Васильевы земли, АлЪксова братана, отчины его чисто при iгумни при Васильi, полъ дворища i огородець весь у Воротномъ поли, Васильевъ участокъ весь отчины его на горЪ, на Няри на голови пожня, у Кочкомъ озери пожня, а межа от ВельюшинЪ земли, над Веркънусомъ полоса земли, а межа от Назаровы земли, а в другомъ конци до Савины земли межа, на гори Керендусъ земля, i деревня Холмець за погостомъ тое же земли, i рЪпЪще верхь Кожуева ручья, и на Няри пожня промежу Никольскою пожнею i Мудюгиною, на Василеви Няри логъ тое же земли, в Шутови ку[ти] земля, с верхьнего конца межа от Тереховы земли, а с нижнего конца по Огафанову землю межа, попятина Васильевы же земли, в том же Шутови кути земля орамая i закраiна тоi же земли, а промежу землями Тереха Омельянова, i подли Тырвую рЪку полпутика Васильевы отчины. А Васильева земля без вывЪта святому Николи i викЪ. А тот[ъ прик]а[зъ] (Восстановлено здесь и далее по списку ГКЭ.) Васильевъ свели зъ душь свои[хъ. А п]ридуть Васильевы дЪтЪ на свою [отчину жить], i онЪ сами володЪютъ своею о[тчиною. А на то] послухи: (В подлиннике: послуслухи.) Михаiло ВолфромЪевичь, Есипъ ТимофЪевичь, Iванъ Семеновичь, ОртЪмеi ДементЪевичь, ОнЪкЪi поповичь. А в печати стоялъ Iгнатъ Ларивоновъ да Сава Петровъ в Васильево мЪсто Агафановичя, в дяди своего, i землю завели. [211]