Се купи игуменъ Василеи земли орамыи, и пожни, и дворища четвереть и огородтца подли Никольское дворище у Игнатья у кузнеца у [209] Онисимова сына отчину его: в опцемъ поли полоса земли середняя подли Гаврилову землю и болота половина; в опцомъ поли у гумнищи участокъ его и у Круглици четвереть с верхнего края от лЪса; на носу полоску земли у стЪнного огорода, подли Мундорову землю, с другую сторону Никольская земля; половина логу конець Хлюпина озерка, у Фомини наволоки гоны земли з зазуброю, подли Гаврилову землю, другои лоскутъ под ывою гоны земли, третеи лоскутъ Кутець и притеребъ к Нюрдолиякъ; и в опцихи треть пожни, подли Мишину орамую землю, с верхнего конца межа от конець Мишини орамои земли на середнюю яму по верхнему краю, от ями на кривую иву, с нижнего конца межа до Фролови земли; а о торговли докладывалъ есмь Гаврила дьяка отчица и велел ми купити; и у гумнищи у Фомини наволоки участокъ Игнатьевъ. И далъ игуменъ Василеи Игнатью Онисимову на тихъ земляхъ три сороки бЪлки, овцю пополонка. А купилъ игуменъ Василеи ти земли собЪ одерень. А на торговли были люди: Савелеи Селкинъ, Олфереи Григорьевъ, Игнатеи МатфЪевъ. А на заводи были люди: ТимофЪи Баи, ОксЪнтЪи Сидорове, Лазарь Урвановъ сынъ. А у печати стоялъ и землю завелъ Игнатеи Онисимовъ сынъ.