Се купи Констатинъ (В списке: Се кута понстатинъ.) Федоровъ сынъ, i староста Княжестровскои волости, i вси княжестровцы церковными кунами (В списке: купили; так предложил исправить Шахматов.) святои Богородицы у Харитона у Родионова сына i у ево сына у Захарки село земли на КняжестровЪ: орамои земли, i пожни, i дворъ i дворище по старымъ межамъ, чемъ владЪлъ отецъ ихъ, i тоня i лЪсъ на Лявленскои стороны, межа по Верхнему ручью. А дали на томъ селЪ княжестровцы Харитону i сыну его Захарьи полсема рубли серебра, а попол[он]ка полтретьятцать пузовъ (В списке: кузововъ.) жита семянного. А купили ту землю княжестровцы святои Богородицы во вЪки. А жить на томъ селЪ Харитону до ево роду половья до исхода. На то послуси: Ермола АлексЪевъ, Олферко Онаньинъ, Терентеи Андреевъ Iгумновъ, Захарья Харитоновъ сынъ.