138
Первая четверть XV в.— «Рядница»
княжеостровцев с Авксентием Григорьевичем по
делу о земельном участке, отданном
княжеостровцами Богородицкой церкви
Подлинник на пергамене. Печать оборвана;
обломок ее хранится отдельно, ГПБ, собр. актов,
карт. 1, № 25а.
Отдельные листы, VII, табл. I
(фотолитографированное воспроизведение);
Шахматов, Исследование, № 88 (по фотолитографии).
Основание датировки: Арист Ананьин писал № 137.
Се позва ОксЪнтЪi Григорьевичь старосту
Левонтъя княжестровьского i княжоостровчовъ
дворяниномъ на судъ о земли о Карпови участъки,
чо княжоостровчи купили подъ с[вя]ту Богородицю.
И шодъ суда срядишася рядомъ ОкъсЪнтЪи старостою
съ княжоостровскимъ i с княжестр[о]вчи о тои
зем[л]и о Карпови участъки. Даша староста и
княжестровчи ОкъсЪнтЪю 100 бЪлъ, а земля Карповъ
участокъ в домъ с[вя]ти Богородици в вЪкъ. А
ОкъсЪнтЪи выдалъ грамоту старую и свою грамоту
купную новую тое земли Карпова участка. А жити
Нефеду на тоi земли до своего живота. А ОксЪнтЪю
не надобЪ въ тоi земли въ Карпови участъки до
старости до княжестровского ничто же, ни до
княжостровъчовъ; ни старости княжестровскому ни
княжост[р]овчамъ не надобЪ до ОкъсЪнтЪя ничто же
с обЪ половини. А на то рятдчи с обЪ половини:
Iгнатеi ОфромЪевъчь, Кузма ТимофЪевичь, староста
купечкеи, Трофимъ ОндрЪевичь, Олекъсандъ
Романовичь, сочкеи, Филипъ ОксЪньтЪевичь. Писалъ
сюю рядничю Аристъ Онаньiничь. А хто сеи рядъ
поруши, дасть судьямъ гривну золота. А у печати
стоялъ ОксЪнтЪи самъ у сои ряднои.
