Се раздилишась Iванъ Петровичь съ Есипомъ Терентиевымъ сыномъ землю, что купилъ Iванъ Петровичь у Iвана у Кириловица отцину Iванову Кирилова, четверть во всеи отцине его, по купнои грамотЪ по Iванови. I досталося Iвану Петровицю на четверть село на Лисьеострове, гдЪ Амосъ живетъ, к тому же селу Iвану Петровичю, к тое же четверти к Лисьюостровскому селу. А по сему розделу Есипу (В списке: Есмипо.) Терентьеву в тую четверть не вступатися, в тотъ Лисеи островъ, ни в кое село. А то досталося Iвану Петровичу на четверть по Iванови купнои грамоте. I Iвану Петровичу не вступатися вь Есипову отцину i в Матигорские i в ыные земли, в которые ни буди, ни в берегахъ, ни в тоняхъ, ни в Ракулское село не вступатися Iвану Петровицю. А на то послухи с обЪ половини: Iванъ Степановицъ, сочкеи, Iванъ Iвановичь, Мартемьянъ Iвановичь. А сеи имъ роздЪлъ по сеи роздЪлнои грамоте тЪмъ имъ землямъ i в вЪки. А сю грамоту роздЪлную подлинную писалъ Аристъ Онаньичь. А у сеи грамоты у печати стояли Iванъ Петровичь i Есипъ Терентьевичь сами. [192]