Во имя отца и сына и святаго духа. Се язъ рабъ божiи Iванъ Лукиничь, а во иноцЪхъ Василеи, списахъ рукописанiе при своемъ животЪ. А что наступилъ есми на церковную землю Покрова святки Богородици и святаго Николы Островскаго манастыря на ВешерЪ рекЪ, володЪлъ силно, а тои земли надъ ВЪшерою рЪкою, тЪхъ селъ, от Волыня ручья до Борового ручья, по старои грамотЪ купленои Есифа Iвановичя и по ободнои, отступился есми и со иными околными сельцы. А приказываю на ВешерЪ землю свою куплю во всеи Туровскои земли двЪ трети, надъ ВЪшерою рекою село, гдЪ болшои мои дворъ и хоромы, на усть Волыня ручья и на горнемъ Волыне и на ЛоктЪ, и со иными околними сельцы, дворы и хоромы, полевую землю, и лЪшую землю, и пожни рЪчные, и пожни горнiе тЪхъ селъ, что ни есть селъ, все без вывЪта, и пожню на МстЪ у Великого омуту, и пожню на Робьи рЪкЪ у святаго Николы у Холопья городка себЪ, и батку ЛукЪ, и маткЪ своеи Епистимьи, и дяде св[о]ему ФомЪ, и ОндрЪю, и всЪмъ прародителемъ и родителемъ нашимъ, и всему роду и племени нашему на память, и за свою вину и володЪнье, что есми сильно наступився церковною землею на ВешерЪ, святЪи Богородици Покрова и [178] святаго Николы Островского монастыря володЪлъ. Тая земля и пожни по сему моему рукописанiю и по данои по моеи грамотЪ и по старымъ грамотамъ... (На этом текст списка обрывается. В той же копийной книге, л. 254, помещен, с заголовком: Даная на столпчикЪ, ветхое писмо, а в немъ пишетъ, следующий отрывок, являющийся, весьма вероятно, концом духовной Ивана Лукинича: далъ в домъ Покрову святЪи Богородицы и святому НиколЪ на Островокъ. А на то послухъ отецъ мои духовныи игуменъ Сергиi святЪи Богородицы Покрова и святаго Николы. А хто рукописанье се преступи, сужуся с нимъ предъ богомъ.)