|
119
1466—67 г. — Данная Устиньи Осиповой жены
Спасо-Нередицкому монастырю на землю на Пчеве
Новгородские губернские ведомости, 1894 г., № 42;
Труды 15 Археол. съезда в Новгороде 1911 г. М., 1916, т. II,
с. 56 (по списку XVII в., вклеенному в напрестольное
евангелие, находившееся в Новгородском музее;
после текста: I выписано сiе письмо из стараго
из напрестольнаго харатеинаго евангелiя ради
памяти слово в слово; и то евангелiе взято в
СофЪискую казну; печатается по этому изданию).
Се я раба божiя Устинiя, Осипова жена, Дмитрiева
матка, дала есми землю на ПчевЪ в домъ святаго
Спаса в Нередицы на вседневную службу. I еще есми
дала двЪ тысящи бЪлки на кровлю дому святаго
Спаса. А кто [177] будетъ от дому святаго Спаса игумены и
черноризцы, держати имъ в дому святаго Спаса
вседневная служба. А ставити им на годъ четыре
обЪды, а служити имъ соборомъ: а ставити имъ обЪдъ
на память святаго апостола Авилы, мЪсяца iюня въ 14
день; а другои обЪдъ на память святаго апостола
Иакова, брата господня, месяца октября въ 23 день;
а третеи обЪдъ на память святаго мученика
Димитрiя, мЪсяца того жь 26 день; а четвертои обЪдъ
ставить на память святыя мученицы Иустины,
мЪсяца октоврiя въ 2 день. И милостыни давати по
силЪ. А не почнутъ игумены, и священники, и
черноризцы святаго Спаса Нередицкого монастыря
тЪхъ обЪдовъ ставити и памяти творити, и судятся
пред богомъ со мною в день страшнаго суда. А дала
есми тую Пчевскую землю и тыи бЪлки въ 7970 пятое.
|
