Се купи игуменъ Сергиi святЪи Богородицы Покрова и святаго великого чюдотворца Николы, и священники, и старцы Островского монастыря, доложа старЪишихъ людеи и старостъ улицкихъ, Климентия Iвановичя и Ликули Лисичника, и всеи великои улицы Рогатицы, дворъ, землю и с хоромы и огородомъ на Рогатицы, в полЪ противъ гридници у Карпи у [176] Васильева. И дали на томъ дворЪ и огороде и на хоромахъ четыре рубли. А ободъ тому двору и огороду с бережнои стороны от церкве святаго Еупатия подле Марьинь дворъ и огородъ Марьи Онкифове женЪ; а межа от [у]лици от Рогатицкого мосту к Буянскому болоту як, на тои межи тынина вынять, а другая вставить; а подле Буянскуе болота к ЪндрЪеву серебряника i его пасынка Максима як в полЪ къ огор[о]ду и двору ихъ, а на тои межи тынина вынять, а другая вставить; а подле АндрЪя серебряника и его пасынка Максима и огородъ и дворъ к улицы к Рогатици межа до мосту, тынина вынять, а другая вставить; а от ОндрЪева и его пасынка Максимова двора к берегу як, подле улицкои мостъ, до Марьина двора, тынина вынять, а другая вставить. А тотъ дворъ святЪи Богородицы Покрову и святаго Николы в домъ в монастырь на Островокь и в вЪкъ.А на то послухъ: Iванъ Елизеревъ, Микита Леонтiевъ и Лутьянъ Труфановъ, Максимь Яковль.

(В слове «ЪндрЪеву» первая буква заглавная «ер».)