Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

114

1456—1471 гг. — Данная новгородского посадника Ивана Лукинича Островскому Никольскому монастырю на землю с угодьями на реке Вишере

Список 1688 г.; озаглавлен: А се выписокъ з болшого рукописанiе. ГИМ, собр. Уварова, № 475, лл. 254—254 об.

Основание датировки: упоминание посадника Ивана Лукинича.

Милости ради божiя и святЪи Богородицы честнаго Покрова и святаго Николы. Се далъ посадникъ новгородцкиi Iванъ Лукиничь святЪи Богородицы Покрову и святому Николе в домъ землю свою в Островскиi монастырь во всеи Туровскои земли на Вишере в Филипове и в Ыванове половинЪ двЪ трети, и пожню на МстЪ у Великого омуту, и пожню на Робьи рекЪ, что Робья течетъ в Волховъ подъ Николою святымъ у Холопья городка, и ВЪшерскои земли пожни рЪчные и горние, и ловища, что ни есть, без вывЪта, прародителемъ и родителемъ своимъ, и роду и племени своему, и собЪ на память, и за вину свою, что есми святЪи Богородицы Покрова и святаго Николы на ВешерЪ силно володЪлъ землею Островского монастыря. А тая земля и пожни всЪ без вывЪта святЪи Богородицы Покрову и святому НиколЪ на Островокъ в вЪки. А володЪти игумену Сергию, или хто ни будетъ игуменъ в домЪ святЪи Богородицы Покрова и святаго Николы, и священникамъ и старцамъ Островскаго монастыря тою землею на ВешерЪ, по моеи купнои грамотЪ, и пожнями, что есми у Костянтина купилъ, и по КостянтиновЪ по мЪннои грамотЪ, что тую [174] землю на МстЪ у Великого омуту выменилъ у игумена у Германа и у всЪхъ у лисицкихъ старцовъ, и по купнои и по КостянтиновЪ грамотЪ, что Костянтинъ купилъ у Есифа у Стафьева и у его женЪ у МатронЪ; а тою пожнею на Робьи володЪти по купнои грамотЪ МатфЪя Васильевича, и по сеи моеи по данои грамотЪ, и по ФетЪинЪ и по ВасилистинЪ грамотЪ по данои, и по старымъ грамотамъ, и по [с]ему володЪнью. Та земля и пожни и ловища в домъ святЪи Богородицы Покрову и святому НиколЪ на Островокъ в вЪки.

Еще больше интересных материалов на нашем телеграм-канале ⏳Вперед в прошлое | Документы и факты⏳

Главная страница  | Обратная связь
COPYRIGHT © 2008-2024  All Rights Reserved.