Се купи посадникъ новгородцкиi Иванъ Лукиничь у Костянтина у Сиповичя землю на ВешерЪ, что выменилъ Костянтинъ у игумена у Германа [173] святЪи Богородицы с Лисичьи горы, i у Арсенья, и у ГоронтЪя, и у ВостратЪя, у ДементЪя, и у Нестера, и у всЪхъ черньцовъ святЪи Богородицы, по данои грамотЪ по ФетЪньинЪ и по ВасилистинЪ, во всеи Туровскои земли в Филипове половинЪ и в ЫвановЪ треть, что купилъ Костянтинъ Есиповичь у Есипа у Остафьевичя i у его женЪ у МатронЪ землю на ВешерЪ, во всеи Туровскои земли в Филипове и в Ыванове половине треть; а тЪхъ селъ пожни рЪчные и горние и ловища без вывЪта; и на МстЪ пожни на Великомъ омуту, что дала Федосья Дмитрiева в домъ святЪи Богородицы. А тые пожни и земли и ловища по обЪ сторонЪ ВешерЪ посаднику Iвану Лукиничю в ФилиповЪ володЪньи и в ЫвановЪ двЪ части. А да посадникъ Iванъ Лукиничь Костянтину Есиповичю на тыхъ земляхъ тритцать рублевъ и три собЪ и дЪтемъ своимъ в вЪки. А володЪти посаднику Iвану тыми землями по старои грамотЪ и по володЪнью, чЪмъ володЪли черньцы святЪи Богородицы и Есифъ Остафьевъ и Костянтинъ Есиповъ. А на то послуси: Иванъ Онтановъ, Григория Рюриковъ, Семенъ Остафьевъ, МосЪи МатфЪевичь.