Се покончаша промежъ себе отъ Славенскаго конца посадники Иванъ Максимовицъ, Василеи Степановицъ, Федоръ Остафьевицъ, Мина Власьевицъ, Иванъ Тимофеевицъ, Юрья Терентiевицъ, Василеи Терентiевицъ, Василеи Ивановицъ съ Иваномъ зъ Губаревымъ, съ посадничимъ братомъ, съ Иваномъ Сокиринымъ про землю про концальскую, что далъ Славенскiи конецъ монастырю святому Вознесенiю въ Савину пустыню. И ставъ на земли, покончаша промежъ себе и ИванЪ ВасильевЪ ГубаревЪ, а грамотъ на тую землю не положиша никаковыхъ. А поити Ивану по концальнои грамотЪ по данои съ того ручья, гдЪ стояли концан[Ъ] (У Амвросия: концанъ.) славляне съ Иваномъ, поговорили и по рукамъ побили, что поити [имъ по] тои грамотЪ по данои по уречищамъ, отъ уречища, [что] въ данои грамотЪ написаны, и по сеи по записнои грамотЪ. А какъ проидутъ землю по данои грамотЪ по тымъ уречищамъ, кои въ данои грамотЪ, ино имъ написати грамота доконцальная, что тая земля по тои грамотЪ по данои и по тымъ межамъ и по уречищамъ монастырю святому Вознесенiю СавинЪ пустынЪ, чтобъ и въ вЪкъ; ино тая грамота записная подрать, а доконцальная запечатати. А владЪти игумену святаго Вознесенiя и черньцамъ тою землею по данои грамотЪ и по доконцальнои, по тымъ межамъ и по тымъ уречищамъ и въ вЪки. А цья земля, того и хлЪбъ. А Ивану Васильевицу съ тои земли хлЪба не вести и поженъ не косить. А на семъ доконцаньи были люди добрые: Степанъ Федоровъ, Григореи Онтуфьевицъ, Микифоръ Ивановицъ, Дмитреи Лукиницъ, Степанъ Григорьевицъ.