По милости божiи святаго Спаса и по благословению архиепископа Великого Новагорода владыки Iвана. Се дахомъ спинскii сябри Григореи посадникъ, Кирила АндрЪевичь, сынъ посадничь, Захарья Яковлевичь з братьею, Юрьи Дмитриевъ, Кирила Семеновъ в домъ святому Спасу на Веренду монастырю игумену и чернцамъ ловища рыбные в Спинскомъ ободе своемъ по Веренде реки от озера вверхь по Спинскои сторонЪ, куды имъ любо; а по Видогоще реки дахомъ землю, i лЪсъ, и пожни по обЪ стороны от Веренды реки вверхъ до Крутца ручья. А паозеричанамъ i веряжанамъ без игумена повелЪнья в Видогощу реку не въЪзжати запаса добывати. А что Есифа посадника земля, и лЪсъ, i пожни его участокъ или iныхъ нашеи братьи бояръ по Видогоще реки, а в то ся чернцамъ не вступатца. А по Видогоще реки и по Веренде реки вверхъ в лЪсе имъ ослобонихомъ всякii запасъ добывати и iхъ людемъ; а празги имъ с того не давати. А к сеi грамоте приложихомъ свои печати. А то в домъ святому Спасу, игумену и чернцамъ, i в вЪки.