Основание датировки: упоминание новгородского архиепископа Феофила.

† По благословенiю господiна преосвященного архiепископа Великого Новаграда и Пскова владыкы Феофiла господiнъ посадникъ степенныи Великого Новогорода Михаила Семеновичь и старыи посадники, и господiнъ тысяцкiи степенныи Феодоръ Лукиничь и старыи тысяцкыи, и весь господiнъ государь Великiи Новъгородъ, на вЪчи на ЯрославлЪ дворЪ. Се дахомъ, сiю грамоту всЪмъ Великимъ Новымъгородомъ в домъ святЪи Живоначалнiи Троици в Сергiевъ манастырь игумену Аврамiю, или инои хто ни будетъ по немъ игуменъ в СергiевЪ манастырЪ, и всеи братiи. Кого пошлютъ изъ Сергiева манастыря на Двину, и на Орлецъ, и во всю Двинскую землю лЪтЪ на лодьи, а в тои лодьи коли товаръ замержетъ, ино тотъ товаръ положить на возы, а с того товара, которыи товаръ шолъ из лодьи из жаловалнои на возы, ино не взяти с тои лодьи и с тЪхъ возовъ ни посадникомъ нашимъ двiнскимъ, ни воеводамъ, ни ихъ пошлиникомъ никоторыхъ пошлинъ, ни гостiного, ни поралного, ни подъездного, ни подзорного, ни описчего, нi помЪрного. А не судити ихъ старцовъ сергiевскихъ, ни ихъ вотамановъ, ни ихъ осначевъ тамо ни в каковЪ дЪлЪ, ни с поличнымъ. Продадут ли или купятъ что с тои лодьи, а сiи есмя пошлины отдали въ домъ святЪи ЖивоначалнЪи Троици в Сергiевъ манастырь на темьянъ. А на лодью на жаловалну старцомъ чюжего товару не прiимати, опроче манастырского товара сергiевского. А колi замержетъ тотъ товаръ, а положатъ на возы, ино имъ и на тЪ возы чюжего товара не прiимати. А посадничимъ людемъ ни воеводiнымъ незванымъ к нимъ на лодью не ходити; а коли ихъ позовутъ на лодью, ино имъ ити въ десяти человЪкъ; а звати ихъ вотаману двожды лЪтомъ. А хто сiю нашу жаловалную грамоту переступитъ, и онъ дастъ господину и государю Великому Новугороду в стЪну пятьдесятъ рублевъ. А к сеи жаловалнои грамотЪ господiнъ преосвященныи архiепiскопъ Великого Новаграда и Пскова владыка Феофiлъ приложилъ свою печать; а посадникъ степенныи Великого Новагорода Михаила Семеновичь приложилъ свою печать; а тысяцькiи степеннои Великого Новагорода Феодоръ Лукиничь приложилъ свою печать; а изо всЪхъ пятi концовъ прiложиша по печати. А ся имъ наша жаловалная грамота дана на другую лодью,