ДрРВ, I, № 9; СГГД, I, № 4; Иванов, № 3 (литографированное воспроизведение); Сахаров, VI, № 6 (литографированное воспроизведение); Шахматов, О языке, сс. 243—244. — Печать воспроизведена: Орешников, II, 12.

Основание датировки: «Розмирье» между князьями, упоминаемое в грамоте, резко обозначилось на съезде во Владимире в 1296 г. (ПСРЛ, IV, 2-е изд., с. 249). Примирение Андрея Александровича с Даниилом Александровичем состоялось на съезде в Дмитрове в 1301 г. (ПСРЛ, I, 2-е изд., сс. 485—486).

Поклонъ от князя от Михаила къ отьцю ко владыцЪ. То ти, отьче, повЪдаю: с[ъ бр]атомь своимь съ старЪишимь съ Даниломь одинъ есмь и съ Иваномь; а дЪти твои, посадникъ, и тысяцьскыи, и весь Новъгородъ на томь цЪловали ко мнЪ крьстъ, аже будеть тягота мнъ от АндрЪя, или от тат[ар]ина, или от иного кого, вамъ потянути со мною, а не отступити вы ся мене ни въ которое же веремя. А чего будеть искати мнЪ, и моимъ бояромъ, и моимъ слугамъ у новъгородьцевъ, и у новоторъжьцевъ, и у волочанъ, а тому всему судъ дати безъ перевода. А холопы, и долъжникы, и поручникы выдавати по исправЪ. А кто будеть закладень позоровалъ ко мнЪ, а жива въ Новъгородьскои волости, тЪхъ всЪхъ отступилъ ся есмь Новугороду. А кто будеть давныхъ людии въ Торъжьку и въ ВолоцЪ, а позоровалъ ко ТфЪри при ОлександрЪ и при ЯрославЪ, тЪмъ тако и сЪдЪти, а позоровати имъ ко мнЪ. А што будеть моихъ селъ в Новъгородьскои волости или моихъ слугъ, тому буди судъ безъ перевода.