Подлинник; левый край слегка оборван. Две печати свинцовые круглые. 1) Печать новгородская; на одной стороне: *** (печать новгородская.); на другой изображение барса с поднятым вверх хвостом. 2) Печать Великого Новгорода; на одной стороне: *** (печать Великого Новгорода.); на другой изображение зверя, схожего с барсом. ЦГАДА, Гос. Древлехр., отд. I, рубр. III, № 16.

Основание датировки: Борзаковский, сс. 495—196, прим. с. 928; Пресняков, с. 401; Кочин, сс. 208 и 210. [37]

† А на семъ на всемъ, господине князь великии Борисъ Олександровичь, челуи крьстъ ко всему Великому Новугороду. А старыи, господине князь великии, рубежь земли и воде даи промежи Тферью и Кашиномъ, и Новгородчкои отцинЪ, и Торжкомъ, и БЪжичкымъ Верхомъ. И князь великии Борисъ Олександровичь далъ рубежь земли и воде промежи своего великого княженья Тфери и Кашина, и промежи Новгорочкои отцинЪ, и Новоторжскои земли и воде, и БЪжичкои, по великого князя грамоте Ивана Даниловичя. А какъ почелуеть крьстъ князь великии Борисъ Олександровичь к Великому Новугороду, а земли и воде дасть старыи рубежь по великого князя грамоте Ивана Даниловичя, ино дати князю великому Борису Олександровичю своего боярина судьею на рубежь, а Великому Новугороду дати своего боярина судьею на рубежь; а тымъ судьямъ судити порубежныхъ людии, татеи и розбоиниковъ, с обЪ половинЪ, по хрьстному целованью. А на кого възговорятъ из Новгорочкыхъ волостей на тферьского татя или на розбоиника, а възмолъвятъ нЪтъ, ино ему и потомъ не быти во тферьскыхъ волостехъ; а будетъ, ино его бес суда выдати, по хрьстному челованью. А на кого взговорятъ изо тферьскыхъ волостеи на новгорочкого татя или разбоиника, а възмолвятъ нЪтъ, [и]но ему и потомъ не быти в новгорочкыхъ волостехъ и в новоторжскыхъ; а будетъ, ино его бес суда выдати, по хрьстному челов[а]нью. А судьи слати князю великому Борису Олександровичю и Великому Новугороду на рубежь чересъ годъ. А князю великому Борису Олександровичю, и его братьи, и его дЪтемъ, и его княгини, и ихъ бояромъ земли и воды новгородчкои и новоторжскои не купити, ни даромъ не приимати, ни закладщиковъ не держати. А хто почнетъ новгородцевъ или новоторжцовъ во Тфери жити, или во Тферьскомъ княженьи, или в Кашини, земля ихъ к Новугороду, а князю великому Борису Олександровичю то не надоби; или хто почнетъ тферичь жити в Новегороде или в Торжку, земля ихъ князю великому Борису Олександровичю, а Новугороду то не надоби. А имуть чего искати на новгородцехъ или на новоторжчехъ, судъ с новгородцемъ в Новегороде, а с новоторжцомъ в Торжку; или цего имуть искати новгородци или новоторжци на тферитинЪ, судъ имъ во Тфери; а судити с обЪ половинЪ по хрьстному челованью, а посула не взяти с обЪ половинЪ. А в РусЪ и в Торжку (Над Торжку выносное с.) имати (В подлиннике: имаати.) у тферичь гостинное по старинЪ; а во Тфери у новгородцевъ и у новоторжцовъ имати гостинное и мытъ по старинЪ. А приведутъ тферитина с поличнимъ к новгорочкому посаднику или к новоторжкому, судити его по хрьстному челованью, а посула не взяти с обЪ половинЪ; а приведутъ новгородца или новоторжца с поличнимъ на Тфери к великому князю или къ его намЪстнику, [38] судити его по хрьстному челованью, а посула не взяти с обЪ половинЪ. А гдЪ орудье почнетъ, ту его и концати. А гостю гостити всякому с обЪ сторонЪ, путь чистъ, без рубежа. А воротъ ти не затворяти, и всякыи гость пустити в Новгородъ. А силою ти гостя новгородчкого и новоторжкого во Тферь не переимати. А чересъ рубежь ти в Новгородчкую волость и в Новоторжьскую дворянъ и приставовъ не всылати. А посломъ новгорочкымъ, и новгородцемъ, и новоторжцемъ Ъздити сквозЪ князя великого отцину Бориса Олександровичя, путь чистъ, бес пакости. А холопы, и робы, и беглеци выдати с обЪ сторонЪ, по исправе и по хрьстному челованью. А на томъ на всемъ, князь великии Борисъ Олександровичь, челуи, господине, крьстъ к Великому Новугороду по любви, в правду. (Далее конец грамоты приписан другим почерком, размашистым и небрежным.) А похоцетъ князь великии на тои грамоте за то ятися, и Великии (В подлиннике: Велитии.) Новгородъ повелЪлъ за то ятися Павлу Федоровичю; (В подлиннике: Федодоровичю.) или князь (В подлиннике: ккнязь.) великии Борисъ Олександро[вичь] того не похочетъ, (В подлиннике: похочечеть.) ино Великому Новугороду на Павла не помолвити.