Се приЪхали ко мнЪ, к великому князю Дмитрею Ивановичю всеа Руси, от отца моего владыки ОлексЪя, и от посадника Юрья, от тысятцково ОлисЪя, i ото всего Новагорода Иванъ посадникъ, Василеи Федоровъ, Иванъ Борисовъ, а от черныхъ людеи Воиславъ Поповичь, Василеи Огафоновъ. Кончалъ есмь съ своими мужи в одинач[ьс]тво, целовали есмы крестъ съ своимъ братомъ со княземъ с Володимеромъ АндрЪевичемь; а на томъ к намъ целовали крестъ Иванъ посадникъ, Василеи Федоровъ, Иванъ Борисовъ, Воиславъ Поповичь, Василеи Огафоновъ; на томъ целовати крестъ ко мнЪ, ко князю к великому к Дмитрею Ивановичю всеа Руси, и к моему брату ко князю к Володимеру в одиначьство всему Новугороду. Ажъ будетъ обида со князьми литовскiми или съ тфЪрьскимъ княземъ с Михаиломъ, Новугороду всЪсти на конь со мною со княземъ с великимъ и с моимъ братомъ со княземъ с Володимеромъ с одного; а коли будетъ мнЪ, великому князю Дмитрею Ивановичю всея Руси, и моему брату князю Володимеру всЪсти на конь на князя на литовского или на тферьского на князя на Михаила, мнЪ князю великому самому быти в НовЪгородЪ, а любо брата ми послати князя Володимера в Новгородъ всести. (В подлиннике: вести.) Или будетъ обида Новугороду с литовскимъ княземъ, или с тферьскимъ княземъ с Михаиломъ, или с НЪмци, мнЪ, князю велiкому Дмитрею Ивановичю всеа Руси, и моему брату князю Володимеру всЪсти по НовЪгородЪ с одного, по целованью. А доколе ся Новъгородъ с литовскимъ княземъ и со тферьскимъ княземъ Михаиломъ не умиритъ, или с НЪмци, мнЪ князю великому и моему брату князю Володимеру Новагорода не метати; любо ми самому быти князю великому в НовЪгородЪ или брата пошлю, доколе Новъгородъ умирю, а быти ми в НовЪгородЪ или брата пошлю. А поидетъ на насъ рать, Ъхати ми от васъ, или брату моему, безъ хитрости, а то намъ не в ызмену. А княженье вы великое мое держати честно и грозно, без обиды; а мнЪ, князю великому Дмитрею Ивановичю всея Руси, держати Новъгородъ въ старинЪ, без обиды. [32]