Подлинник на пергамене; на обороте: Княжа Михаи[л]ова о рубежЪ в середине два места вырваны; на сгибе буквы стерты; большие пятна, делающие письмо трудно читаемым. Две печати круглые свинцовые: 1) Печать посадника на бечевке; на одной стороне: *** (новгородская печать); на другой: *** (и посадничья) 2) Печать тысяцкого на нитяном шнурке; на одной стороне: *** (печать Матфея Фалелеевича); на другой: *** (тысяцкого новгородского). ЦГАДА, Рос, Древлехр., отд, I, рубр. III, № 7. [29]

Поклонъ от посадника, и от тысячьского, и от всихъ старЪ[и]шихъ, и от всихъ мЪншихъ, и от всего Новагорода к господи]ну (В прямых скобках здесь и далее восстанавливаются поврежденные места текста, по аналогии с другими договорами.) князю великому Михаилу. На семь, господине, Новгородъ всь крьстъ цЪлуеть. Княжение тво[е] честно дЪржати по пошлинЪ, безъ обиды; а тобЪ, господине, такоже Новгородъ дЪржати по пошлин[Ъ], без обиды. Что свободъ Дмитриевыхъ [и Ан]дрЪевыхъ, что селца тягнуло к тымъ сл[обо]дамъ, того всего тобЪ съступатися, [то в]се к Новугороду бес кунъ. А что, княже, селъ тво[ихъ], и владычнихъ, и княгыниныхъ, и бояръ тв[оихъ|, и слугъ твоихъ на Новгородьск[ои зе]мли: которое село зашло бес кунъ, то бес кунъ поидеть к Новугороду; а кто купилъ, [а тыи] знаеть своего истьца или дЪтЪи его; истца ли не будеть, ни дЪтЪи его, цЪ[ло]вати е[му] крьстъ, како то истца не вЪдаеть, взяти ему куны, колко будеть далъ, по исправЪ, а [земл]я к Новугороду. А рубежь ти, княже, межю Суждальскую землю и Новгородьскою [дати] (Далее и до: смерти своего мужа другим более крупным почерком.) ти старыи, како было при дЪдЪ твоемь и при праотцЪ твоемь ЯрославЪ. А што во[ло]сти[и] новгородьскыхъ, тЪхъ волостии тобЪ не дЪржати, княже, своими мужи, дЪржати мужи но[вго]родьскыми; а даръ тобЪ имати от тЪхъ волостии. А бес посадника ти, княже, суда не судити, ни во[лости роз]давати, ни грамотъ давати. А без вины мужа волости не лишити. А в Русу, княже, Ъзди[ти в осень], како пошло. А лЪтЪ Ъздъти на Възвадъ звЪри гонитъ. А за Волокъ ти слати своего мужа из Новаго[род]а въ дву насаду, по пошлинЪ, а опять Ъхати туды же на Новгородъ, а с Низу ти не слати; такоже и в БЪжицЪ. А что пошлины, княже, в Новгородьскои волости, [того] вы мене не таити въ всихъ волостехъ. А холопъ или [п]оручникы выдавати. А всему тому судъ в НовЪгородЪ. А што ти, княже, пошло в Торжьку и на ВолоцЪ: тиунъ сво[и д]Ъ[р]жати на свои части, а новгородьча на своеи части. А в БЪжицахъ тобЪ, княже, [н]и твоеи княгинЪ, ни твоимъ боярамъ, ни твоимъ слугамъ селъ не дьржати, ни купити, ни даромъ приимати, ни по всеи волости Новгородьскои. А се, княже, волости новгородьскыи: Волокъ съ всими волостьми, Торжокъ, БЪжицЪ, ПалЪць ГородЪць, Мелеца, Шипино, Егна, Заволочье, ТЪрь, Пермь, Печера, Югра, Вологда. А свиньи ти бити за 60 вьрстъ от города. А в Ладогу ти слати, княже, осетреника сво[его] и медовара по [30] грамотЪ прадЪда твоего Ярослава. А ЪздЪти тобЪ, княже, [в] Ладогу на третьее лЪто. А из БЪжиць, княже, людии въ свою волость не выводи[ти, ни] изъ иныхъ волостии новгородьскыхъ, ни грамотъ давати, ни закладни[ковъ] приимати ни княгини тв[о]е[и], ни боярамъ твоимъ, ни слугамъ твоимъ: ни смерда ни купцины. А гра[мот]ъ ти не посужати. А што пожни твои и твоихъ мужь, то твое и твоихъ мужь; [а н]овгородьскыи Новугороду. А дворянамъ твоимъ, како пошло, погонъ имати: от князя по пяти кунъ, а от тиуна по двЪ долгЪи. А што, княже, мыто по Суждальскои земли и въ твоеи волости: от воза по двЪ вЪкшЪ, (В списке: вЪшкЪ.) от лодьи, от хмелна короба и от лняна. А дворянамъ твоимъ у купець повозовъ не имати, развЪ ратнои вЪсти. А свободъ и мытовъ на Новго[родь]скои волости не ставити. А холопъ или роба почнеть вадити на господу, том[у] ти вЪры не яти. А на Низу тобЪ, княже, новгородча не судити, ни волостии роздавати. А кто почнеть вадити к тобЪ, тому ти вЪры не яти. А в НЪмЪчькомъ дворЪ тобЪ, княже, торговати нашею братьею; а двора ти не затваряти; а приставовъ не приставливати. А гости нашему гостити межю Суждальскою землею без рубежа, по цесаревЪ грамотЪ. А судьи слати тобЪ свои на Петровъ день, тако пошло. А вывода ти, княже, межю Суждальскою землею и Новгородьскою не чинити. А што закладнЪ твои в Торжьку или индЪ гдЪ, или за тобою, или за твоею княгинею, или за мужи твоими: кто купець, поидеть въ свое сто. А [к]оли будеть Новугороду розмирье с НЪмчи или с Литвою или с ыное сторонЪ, пособляти ти, княже, по НовЪгородЪ бес хытрости. А без новгородьского ти слова, княже, воины не замышляти. А приставовъ ти с Низу въ всю в Новгородьскую волость не всылати. [А кто] купець, поидеть въ свое сто, а смердъ поидеть [в]ъ свои погостъ; тако [пош]ло в НовЪгородЪ, отпусти ихъ проче. А гнЪва ти, княже, до Новагорода не де[ржа]ти ни до единого человека. А ряду, княже, въ Новгородьскои волости тобЪ и твоимъ судьямъ не посужати. А самосуда не замышляти. А старостЪ ни холопа, ни робы безъ осподаря не судити твоимъ судьямъ. А за рубежь из Новгородьскои волости твоимъ дворя[но]мъ суда не выводити, ни судити. А свободъ ти и селъ съступитися. А на семь на всемь князь великыи крьстъ чЪловалъ. А что ти грамотъ крьстныхъ Новугороду съ всими городы с нЪмЪчкыми, на тЪ ти грамоты, княже, не наступатися, а новгородьскои ти души блюсти. А вынесуть тобЪ изъ Орды княжение великое, намъ еси князь великыи; или пакъ не выне[су]ть то[б]Ъ княжения велико[го из] Орды, поити твоимъ намЪстникамъ из Новагорода проць и из новгородьскыхъ пригородовъ, а в томъ Новугороду измЪны нЪту.