Подлинник на пергамене; разорван в нижней части на последних двух строках; на обороте древним почерком: Князя Михаиловы. Две печати свинцовые круглые на шелковых шнурках.1) Печать архиепископа; на одной стороне изображение богоматери типа «Знамение»; на другой: *** [23] (Давид, архиепископ Новгородский — Ingvar.); 2) Печать Михаила Ярославича; на одной стороне изображение архангела Михаила, по сторонам которого в обратную сторону вырезано: *** (ангел Михаил.); на другой стороне изображение св. Афанасия Александрийского с надписями в обратную сторону: *** (ангел Афанасий.). ЦГАДА, Гос. Древлехр., отд. 1, рубр. III, № 10.

Се докончалъ великыи князь Михаиле съ владыкою Давыдомь, i с посадникомь, и со всiмь Новымьгородомь, что ся учинило промежи князя и Новагорода розратье. Что взято въ княжи волости в замятию, или у намЪстниковъ, iли у пословъ, или гостиныи товаръ, или купецьскыи, или въ церквахъ, или у которого боярина, или по всей волости, то все князь отложилъ; а что взято товара новгородьского, или купецьского, или гостиного, или по всей волости Новгородьскои, а того всего Новугороду не поминати. А что селъ или людии новгородьскыхъ в сю замятию заложилося за князя и за княгыню, или за дЪти, или за бояр[ы], (В прямых скобках стертое.) или села кто купилъ, куны ему имати, а села к Новугороду по ФектистовЪ грамотЪ, что на Тфери докончалъ. А что головы поимано по всей волости Новгородьскои, а тЪ поиду[ть] к Новугороду безъ окупа. А князю великому Михаилу не наводити на Новъгородъ, ни бояромъ его ни про что же, ни гостя ру[би]ти в Суждальскои земли, нигдЪ же. А за все за то взяти князю у Новагорода двЪнадчать тысячи серебра, буди АндрЪевЪ дЪти, буди Машко з дЪтми, или Юрьи КалЪка и вси талщикы; и что взялъ Федоръ Юрьевичь и Елферии Жидьслаличь у т[алщ]иковъ и у Машка з дЪтьми, а то поиде в ту же двЪнадчать тысячи серебра. А срокъ тремъ тысячамъ и двема стома взяти князю на Сборъ, в низовьскыи весъ; а како възметь князь 3000 и двЪстЪ, тако ему пустити хлЪбъ и всякыи гость. А другыи 3000 взяти князю на Средокрестье, в низовьскыи же вЪсъ. А третьии 3000 пояша хопыли к собЪ, дати имъ на вербьницю безъ 2 сту и безъ полутрьтиядчати серебра, в низовьскыи же вЪсъ. А четвьртыи 3000 взялъ Федоръ и Елферии у талщиковъ. А что переиде чересъ срокъ 4 дни, а в томъ князю измЪны не учинити. А ка[ко] (В прямых скобках стертое.) князь серебро поемлеть, тако ему вся таль пустити по цЪлованью. А нелюбье князь отложилъ от Новагорода, и от Пьскова, и от пригородовъ; а посаднику, и тысяцьскому, и всему Новугороду, кто мои недругы мнЪ (мнЪ надписано над строкой.) выдалъ в Торжьку, [24] тЪмь ся имъ не мьщати. А Новугороду княженье мое честно дьржати безъ обиды; а князю великому дьржати Новъгородъ безъ обиды, в пошлинЪ. А опять сЪлъ князь великыи Михаило на ФектистовЪ грамотЪ, что доконьчалъ съ владыкою и с послы новгородьскыми на ТфЪри. А на семь на всемь князь великыи Михаило крьстъ цЪловалъ к Новугороду; а Новъгородъ къ великому князю крьстъ цЪловалъ по симъ грамотамъ. А исплатить Новъгородъ то серебро двЪнадчат[ь] тысячи, то великому князю грамота изрЪзати, что докончали на ГородкЪ на ВолзЪ, и другая грамота новоторзьская, что в Торжьку доконьча[ли]. (ли разорвано.)