Мобильная версия сайта |  RSS
 Обратная связь
DrevLit.Ru - ДревЛит - древние рукописи, манускрипты, документы и тексты
   
<<Вернуться назад

НОВЫЕ ИСТОЧНИКИ ПО ИСТОРИИ КАЗАНСКОГО «ВЗЯТИЯ»

№ 1

|л. 855| Сказание о велицеи милости божии, еже всемилостивыи бог сотвори на рабе своем благочестивом цари и великом князе Иване Васильевиче

Приидете отцы и братия, услышите духовную повесть еже сотвори всемилостивыи бог и помилова раба своего благочестиваго и благороднаго царя и государя и великого князя Ивана Васил[ь]евича всеа Русии, самодержца всея Руския земля. И прежде всех вас молю, духовнии отцы и братия, да дасть ми разум бог на отверзение устом моим да молитвами пречистыя богородица и всех святых и всех руских чюдотворцов и великаго чюдотворца, нашего заступника и помощника преподобнаго игумена Сергия и ученика его преподобнаго Никона чюдотворца да и вашими духовных отец и братия молитвами се уже начинаем писати.

Пишет бо в божественном писании, яко таину цареву добро есть хранити, а дела божия преславно есть проповедати; аще хто таины царевы не хранит, от земнаго царя смертию осужаетца, аще дел божиих и великия его милости [не] 11 проповедуем, не токмо беду души своеи наносим, но и вечным мукам себе предаем. Се душевная беда еже вечно /л. 855 об./ мучитися; Аз же окаянныя сея душевныя беды убоявся и написал сию милосты 12 божиюю еже сотвори бог на православном государе нашем и на все[х] православных христианех, понеже аз грешныи таковых чюдес божиих ово слышати сподобихся от самодержца и благочестиваго царя нашего, острова же и своима очима видех.

Начало Свинскому делу. В лето 7059. Великии во благочестии и великии в державных, богом почтенныи царь и государь и великии князь божиею милостию Иван Васил[ь]евичь всеа Русии самодержец видев убо християнство пленено и многи крови християнские проливаеми и многим церквам святым запустение; от кого убо сия бысть нестерпимыя беды? Глаголю же, яко сия бысть злая вся бысть от безбожных Казанских срацын. Не стерпе убо она благочестивая и богом возлюбленная благочестиваго нашего государя душа в сицевых бедах християньству быти и глаголет в себе сицевая: «Всемилостивыи убо бог молитвами пречистыя его матере и всех святых и наших руских чюдотворцов молитвами устроил мя земли сеи православнои и всем /л. 856/ людем своим царя и пастыря вожа и правителя еже правити ми люди его, во православии непоколебимым быти и еже пасти ми иже ото всех зол находящих на вы и всякия нужа их исполняти, аже от бога царь, аз им бысть и онем убо имети страх мои на себе и во всем послушливым быти и страх и трепет имети на себе, яко от бога ми власть над ними и царьство приимше 13, а не от человек»; и сия убо наш государь царь и великии князь изглаголет. Воистину есть пастырь добрыи, душу свою полагает за овца. Воспроси от кого убо навыкл еси благочестивыи царю 14 государю 14 великии князь Иван; не хощем убо мы, [ни]щие 15 твои, разумети твоих царьских словес, яко тако хощещи ответ: «Разумеите убо моих словес силу, аз убо вижу пленены мечем и ссецаеми християне, аще аз своим воинством за них не подвигнуся поставити, како нарекуся пастырь добрыи иже душу свою полагает за овца, которыи ответ дам пастырем начал[ь]нику Христу богу нашему, яко тои положи душу свою за словесныя овца. Се убо разумеите вси яко возлагаю упование мое на [9] вседержителя бога и отца и сына и святаго духа и на пречистую богородицу и всех святых /л. 856 об./ рать воинства составляя, и на нечестивых ополчаюся».

Посылает убо благочестивыи царь и великии князь Иван Васил[ь]евичь всеа Русии самодержец царя Шигалея, Шиговлея родича, и воевод х Казани: боярина и воеводу князя Юрья 16 Михаиловича Булгакова, да боярина и воеводу 16 Семена Ивановича Микулинского, да боярина и дворецково московского Данила Романовича и иных многих воевод и с ними многих людеи. И повеле царь и государь в полцех быти воеводам: в бол[ь]шем полку был князь Юр[ь]и Михаиловичь Булгаков, да Данило Романовичь, да в передовом полку князь Петр Андреевичь Булгаков, да Иван Федоровичь Карпов; в правои руке Иван Петрович да князь Давыд Палицкои; в левои руке Григореи Морозов да князь Ондреи Васил[ь]евич Ногаев; в сторожевом полку Иван Иванович Хабаров да Долмат Федоровичь Карпов; и повеле им на Свияге поставити город.

Онем же пришедшим х Казани и по Волзе и до Камы и в Каме на многие версты 17 все пути у Казанцов от яша и божиею помощию город на Свияге поставиша и в нем церков пречистыя богородицы славнаго ея Рожества и церков великого чюдотворца Сергия. И видевше нечестивии, яко таково утеснение николи им бываше никогда же, и начата многие приездати к воеводам и бити челом, штоб царь и государь князь великии /л. 857/ их пожаловал, дал им царя Шигалея и велел бы им собе служити, воеводы же их послаша к Москве государю бити челом. Царь же государь и великии князь Иван Васил[ь]евич всеа Русии слышав от нечестивых сия и царя им дав Шигалея и многими их своими царьскими жаловании издоволив. Слышав же в Казани крымские князи Кощак с товарыщи, яко казанцы здаются царю и государю великому князю, и в тои час побегоша ис Казани в Крым; на реце же на Каме многие люди московские их побиша и Кощака с товарыщи изымав к Москве привели. Воеводы же по государеву слову царя Шигалея на Казани посадиша, и Казанскаго царя Ата с материю его и со царицею Суюнбек с ним 18 ис Казани взяли и к государю к Москве послаша. И не по мнозе же времени казанцы восхотеша царя Шигалея убити; он же, увидав мысль их, и многих Казанских князеи побе и сам ис Казани с царицею выехал на Свиягу в новои город. Казанцы же о таковых вел[ь]ми ужасошася, яко царь Шигалеи у них многих людеи побил, а иных многих с собою вывел, и послаша о том бити челом ко благочестивому царю и государю нашему, штоб государь их пожаловал, дал им в Казань своих бояр и правителеи кому их здержати управлять Благочестивыи же государь наш царь и великии князь Иван Васил[ь]евичь всеа Русии, презрев их многие измены и неправды, преклонися /л. 857 об./ на милость, посла к ним бояр своих от воевод в Казань на содержание земли Казанския: князя Семиона Ивановича Микулинского да Ивана Васил[ь]евича Шереметева да с ними Алексея Федоровича Адашева; они же приидоша х Казани. Казанцы же сретоша их лестию и совещаща з государя нашего воеводами, чтоб наперед послали коши в город, а сами после въехали во град. Егда же коши пустиша во град и детеи боярских многих и людеи боярских, и тако затвориша град и боляр во град не пустиша; а которых во граде затвориша, тех всех побиша, а коши все пограбиша. Воеводы же государя нашего возвратишася в новои город на Свиягу оболщени е безчестни и скоро послаша к государю царю и великому князю сказати зловерных [10] казанцов злую неправду и лесть. Казанцы же взяша себе царя в Казань Едигеря из Нагаи и посадиша на царьство в Казани. Царь же и великии князь, слышав таковую нечестивых агорян измену, вел[ь]ми опечалися и на бога всю надежу свою возложи и на пречистую его богоматерь и на великих чюдотворцов и нача мыслити, поговоря с своею брат[ь]ею со князем Юр[ь]ем Василь[е]вичем и со князем Владимиром Андреевичем и з боляры, с воеводы, чтобы ему послати воевод своих и многих людеи х Казани перед собою, а самому б /л. 858/ итти за ними же х Казани, хотя отмстити кровь християнскую и, здумав сице, нача творити.

Начало Казанскому и Крымскому делу. В лето 7060. Благочестивыи царь и великии князь Владимирскии и Московскии и Новгородцкии и всеа Русии самодержец божиею милостию Иван Васил[ь]евичь послал своих воевод к Казани: болярина своего князя Александра Борисовича Горбатого, да болярина своего князя Петра Ивановича Шуиского, да дворецкого Московского и болярина Данила Романовича и инех многих воевод, а сам после ста помышляти к Казани. Тоя же весны прииде весть ис поля, что царь Крымскои идет на Рускую землю со многими люд[ь]ми и многие люди Турского салтана с ним и наряд с ними Турскои: пушки и пищали и янычане. И благочестивыи царь и великии князь нача многими печал[ь]ми уязвлятися и скорбети, что многих воевод и многих людеи отпустил под Казань и нача мыслити з братом своим со князем Владимиром Ондреевичем и з боляры и воеводами и сказал им свою мысль: «аз де и хотех итти на Казанскаго царя за их великую измену и кровь христианскую и хотел есми пострадати и до крови, а ныне де идет на нас наш недруг Крымскои царь и хощет безбожныи разорити православную /л. 858 об./ веру и аз хощу итти на Коломну против недруга своего и хощу сам пострадати за православную веру и за святыя церкви». И слышав от благочестиваго царя и великаго князя Ивана Васил[ь]евича таковыя его царьския речи и видевше таковое его хотение и ревность, еже желаще тако страдати о православии, и вси прославиша бога и пречистую его богоматерь и великих чюдотворцов руских, о еже от бога дарование и ревность и мысли благочестивому царю и великому князю, яко же кроткому Давиду на безбожнаго Голияда. И глаголет ему князь Владимер Андреевичь и вси боляре и воеводы: «мы есми вси должни и готови за православную веру и за святыя церкви и за тобя государя кровь свою пролияти и главы своя положити». И здумав благочестивыи царь и великии князь и потом во обитель великую к живоначал[ь]нои троицы и великого чюдотворца Сергия поеде; и приеде во обитель и вниде во святую церковь и ко образу святому живоначал[ь]неи троицы, яже сам он благочестивыи царь украсил златом и бисером и камением многоценным, припадает и слезы многи изливая тако глаголет.

Молитва: «О, премилостивыи создателю наш, услыши молитву /л. 859/ и моление грешнаго раба своего и не помяни грехов моих, аже во юности согреших и в совершени возрасте моем пред тобою аз согреших, и к тебе прибегаю 19 творцу и господу моему. Виждь, владыко, воздыхание и слезы раба твоего и прости грехи моя и приими покаяние мое, яко же Давида, Иезекеиля и Манасия и разбоиника и Ниневгитян. Помилуи мя по велицеи милости твоеи и даждь ми, господи, одоление на супротивныя враги наша, да не рек беззаконнии, где есть бог их, и да разумеют, яко ты еси един бог наш Исус Христос в славу Богу и Отцу и Святому Духу, аминь. И разве тебе инаго не знаем и твоею милостию побеждаем враги наша». Прииде к чюдотворным [11] мощем и великаго к дивнаго чюдотворца Сергия и преклоняет главу свою ко святым мощам преподобнаго отца и едва от многих слез возможе 20 проглаголати и моление приносит к дивному отцу, сицевая глаголеть 21:

«О преподобие и угодниче Христов, великии Сергие; котораго от святых в Рустеи земли тако бог прослави, яко же тебе? Ты пренепорочную владычицу богородицу со апостолы к тебе пришедшу виде и таковая от нея неизглаголанныя радостныи глаголь слышав. И избранника тя /л. 859 об./ нарече и посещения ради к тебе прииде и прошения твоя еже во обители и о ученицех тебе молящуюся услыша и таковая к тебе обещания владычица богородица изрече, еже неотступнеи быти ото обители твоея и, до кончания веку, ивзообил[ь]но вся потребная подающи и учеником твоим ходатаица молебница к сыну своему Христу богу нашему обещавается. Ты же прадеда нашего великаго князя Дмитрея молитвою своею вооружи на безбожнаго Момая и безо всякого сумнения дерзати ему повеле и пророческии дар от бога восприял еси и сказав ему, яко враги своя победиши и во своя с великими победами и похвалами возвратишися. Яко же того, тако и нас вооружи и огради своими молитвами на супротивныя враги наша. И яко же услыша бог отца моего молящася твоих ради молитв, еже породи ему наследников царьству его и дарова мене, еже быти ми наследнику царьству его, и принесе мя отец мои и мати во святую сию церковь и породиста мя вторым нетления порожением водою и духом во имя Отца и Сына и святаго Духа, и отец мои и мати моя по святом крещение принесоста мя /л. 860/ ко святеи раце твоеи и на святыя мощи твоя положиша мя, таковая глаголюще: «се обещание наше отдаем богу и пречистои его владычицы богородицы и тебе святче божии и угодниче Христов. И нине, угодниниче Христов великии Сергие, буди нашему чаду помощник и молитвеник ко господу богу и пречистеи богородицы». Тем ныне и аз преданныи тебе родителема моима никако же отступлю от твоея помощи, ты ми буди помощник, ты ми буди молитвеник ко Христу богу моему и ко пречистеи богородицы матери его. И яко же прадеды наши и отцы надеяшася на милость божию и на пречисту богородицу и на ваша молитвы и побеждали враги своя, тако же и аз надеявся на всесил[ь]наго и всемилостиваго бога и на рожшую его пречистую богородицу и на молитвы ваша руских чюдотворцов и дерзаю против врагов своих. О, угодниче Христов великии Сергие преподобие, способствуи мне и всему Христолюбивому воинству моему на супротивния».

И такова моления совершив и от настоятеля обители тоя благословляется и от всего священническаго и иноческаго собора благословение приемлет /л. 860 об./ и всему христолюбивому своему воинству и братию учредив и милостыню довол[ь]ну дав, исходит от обители и приходит во свои царьствующии град Москву. И не по мнозех днех благочестивыи царь и великии князь Иван Васил[ь]евич всеа 22 Русии 22 самодержец поиде противу оного зловернаго царя Крымского и приходит с своими братиями и боляры и воеводами и со многим своим христолюбивым воинством во святую великую соборную церковь пречистыя богородицы славнаго ея успения и преклоняет колени и главу к земли пред пречистым образом господа нашего Исуса Христа со многими слезами и воздыханием сердечным 23.

«О владыко премилостивыи, господи Исусе Христе, услыши молитву и слезы раба своего и поели милость свою свыше и даи помощь [12] и укрепление на враги наша воинству православному и мене раба своего огради милостию 24 своего архистратига Михаила небесных сил воеводу верному своему Аврааму на Ходологомора 25 царя Содомскаго, имеюща с собою триста тысящ, Авраам же 318 своих домочадец и твоею, господи, силою и помощию великаго архистратига Михаила /л. 861/ сих победи, и яко же Исусу Наввину того же помощника послал еси архистратига Михаила: егда бо и обступиша град Ерихон, в нем же бяше семь цареи хананеиских и поведением твоим вседержителя бога от архистратига Михаила стены градныя до основания сами ся падоша. Исус Наввин цареи и всех людеи во Ерихоне граде изсече; тако же пособник бысть и Гедеону над Мадиамы тои же архистратиг Михаил, их же беяше числом тысяща тысящ, Гедеон же с треми сты своих вои онех победи, имея с собою в нощи фонари со свещами и мадиямы сами меж собою иссекошася смятением архангеловым. Тако и при благочестивом цари Езекеи и обстояще Иерусалим град Сенанахирим 26 царь Асирискии с вои своими и укаряше бога Израилева и помолися богу Иезекея и божиим повелением тои же архистратиг Михаил, во едину нощь уби от полку асириска сто и осмьдесят и пять тысящь, тако и ныне, всемилостивыи господи Исусе Христе сыне божии, прослави имя свое на мне на рабе своем и поели на помощь на мя возлюбленнаго своего архистратига Михаила /л. 861 об./ и разумеют вси врази наши, яко мы верныи раби твои на тя надеющиися побеждаем враги наша».

Тако же и приходит ко пречистеи богородицы образу еже Лука еуангелист написа и припадает к земли со многими слезами. Молитва пречистеи богородицы:

«Ты, о пресвятая богородица владычице, мати господа и бога и спаса нашего Исуса Христа, подвигнися на молитву к рожшемуся ис тебе царю небесному с небесными силами и со пророки и апостолы и с мученики и святители и со преподобными и с нашими помощники и заступники рускими святители с новыми чюдотворцы с великим святителем Петром и Алексеем и Ионою и Леонтием и со угодником твоим, великим чюдотворцем преподобным Сергием и Никоном 27 и Кирилом и Дмитрием и со всеми рускими чюдотворцы и со всеми святыми и умоли, владычице, господа нашего Исуса Христа, да подаст нам победу и помощь на супротивныя враги наша и одоление, да разумеют враги наша, яко мы не своим храбрьством и силами побеждаем врагов своих, и побеждаем помощию всесильнаго бога отца и сына и святаго духа и твоими еже к господу молитвами и заступлением. Се наша християнская /л. 862/ победа и храбрость еже уповати на всесил[ь]наго бога и на тебе, владычице, крепкую помощницу християнскому роду». И таковая изрек со многими слезами.

И приходит к великому и дивному рускому заступнику и чюдотворцу Петру и припадая к честнеи раце таковая глагола. Молитва: «О, святче божии и угодниче Христов, не премолчи вопия о нас когосподу, да молитвами твоими смирит бог безбожнаго сего варвара, хвалящагося разорити достояние твое. Помяни, святителю Христов Петре, како еси оградил и укрепил молитвами своими прадеда нашего на сопротивнаго и безбожнаго Мамая, таковая и нам ныне даруи еже ко господу твоими молитвами». И таковая изрек со многими: слезами и воздыхании ми серде[и]ными. [13]

И по сем приходит ко святеишему и смиренному отцу своему Макарию митрополиту всеа Русии и ко священному его собору архиепископом и епископом и всему церковному причту и просит благословения и молитвы себе и всему своему христолюбивому воинству. Святеишии же вселенныи отец пресвященныи 28 /л. 862 об./ Макарии митрополит всеа Русии со архиепископы и епископы и со всем священным собором благословляют и молитвуют прилежно и сице со слезами вопиют благочестивому царю: «о, пресветлыи и великии царю, о, пречестная и благоразсудная главо, о, предобрыи пастырю, полагая душу свою за овца словесныя, их же дарова тобе всемилостивыи бог. Ты убо, о царю благочестивыи, теплеишую ревность имаши по бозе и дерзаеши за благочестие пострадати, всемогущии же бог молитвами пречистыя его матери и великих чюдотворцов да даст ти помощь и одоление на супостаты и всему твоему христолюбивому воинству»; и благословляет его крестом животворящим, рек сице: «буди на тобе, на нашем государи милость божия и пречистыя его матери и великих чюдотворцов Петра, Алексея и Ионы и Леонтия и преподобных отец наш[их] Сергия, Варлама, Кирила и Никона и всех святых и нашего смирения и всего священнаго собора молитва и благословение и чтоб даровал бог /л. 863/ тобе, государю нашему, желаемая получити и на свои престол всего рускаго царьствия здраво и радостно с победою и одолением возвратитися и многолетну быти и со своею царицею великою княгинею 29 Анастасьею и з свою братиею и з боляры и со всем твоим христолюбивым воинством и со всеми православными християны, а мы твои смиреннии богомол[ь]цы вси соборне и особь по келиям должни безпрестани молити бога и пречистую его матерь и всех святых, аминь».

И тако благочестивыи царь благословляется от всех и с таким «благословением и молитвою изсходит из соборныя церкви и приходит в свои царьские полаты к супружнице своеи ко благочестивои царицы и великои княгине Анастасии и таковая глаголет к неи: «аз, жено, надеяся на вседержителя и пре /л. 863 об./ милостиваго и всещедраго и человеколюбиваго бога; дерзаю и хощу итти против нечестивых варвар и хощу страдати за православную веру и за святыя церкви не токмо до крове, но и до последняго издыхания, сладко бо умрети за православие, несть се смерть еже пострадати за Христа, но се есть живот вечныи; сие страдание прияша мученицы и апостоли и прежнии благочестивии цари и сродницы наши и за то от бога прияша не токмо земное царьство, но и славу и храборство на супротивныя и страшна врагом своим быша и многолетне и славне на земли пожиша. И что много глаголю о тленном сем: и вскоре минующим царствии славе земнои, но дарова им бог за их благочестие и за страдание, еже страдаша за православие, по отшествии же от прелестнаго сего /л. 864/ мире в земных место небесное и в тленных нетленная и бесконечную радость и веселие еже у господа своего быти и со ангелы предстояти и со всеми праведными вселитися, еже глаголет божественное писание; ни око не виде, ни ухо не слыша и на сердце человеку не взыде, яже уготова бог любящим его и святыя заповеди его хранящим.

Тебе, жено, поведаю никако же о моем отшествии скорбети, но пребывати повелеваю в посте и в подвизех духовных и часто приходити 30 ко святым божиим церквам и многи молитвы творити за мя и за ся и многу милостыню ко убогим творити и многих бедных и в наших дарьских опалах 31 разрешати повелеваи, и в темницах заключимыя [14] испущати повелеваи, да сугубу мзду от господа приимем: аз за храбрьство, а ты за сия благая дела». И сия слышав благочестивая царица /л. 864 об./ от государя своего благочестиваго царя и отшествие его, уязвися нестерпимою скорбию и не можаще от великия печали стояти, аще не бы благочестивыи царь свою супружницу своими рукама удержал, хотяще бо пасти на землю и на мног час безгласна бывши и плакася горко и едва 32 возможе от великих слез удержатися и проглаголати государю благочестивому царю и великому князю Ивану: «Ты убо, благочестивыи царь и государь мои, заповеди храниши господа бога и спаса нашего Исуса Христа, еже ти хотящи душу свою положите за православную Веру и за православныи християне, аз же како стерплю отшествие своего государя или кто ми утолит горкую сию печаль или кто ми принесет и возвестит великую от бога милость /л. 865/ на благочестивом моем государе, яко благочестивыи царь и всеа Русии самодержец от вседержителя и всемилостиваго бога милость получи и со всем своим христолюбивым воинством брався с нечестивыми и одоле и на свое царьство здрав, возвратися». Молитва:

«О, всемилостивыи боже, услыши слезы и рыдание рабы своея, даруи ми сие услышати государя своего здрава по милости твоеи, хвалящеся и радующеся видети. Не помяни, владыко, многих грехов наших но сотвори с нами милость свою по велицеи милости твоеи и по многим щедротам твоим». Молитва:

«И ты, о премилостивая и прещедрая и крепкая помощнице роду християнскому царица и владычица и мати небеснаго царя и господа, пресвятая богородице, /л. 865 об./ услыши молитву рабы твоея, подвигнися на молитву ко ис тебе рожшемуся Христу, богу нашему, да подасть победы на супостаты государю моему и его здрава возвратит и мне его, госпоже, видети сподоби о милости твоеи хвалящаяся яко твоим, владычице, заступлением и молитвами одолеет враги своя».

Благочестивыи же свою царицу утешив словеси и наказанием и целование дав и исходит от нея и поиде на Коломну, а с ним брат его князь Владимир Ондреевичь и боляре ево и [вое]воды и люди многие, и прииде на Коломну и вниде в церковь пречистыя богородица славнаго ея Успения и повеле молебны пети владычице Феодосию и всему собору, сам же благочестивыи царь и великии князь приходит ко образу пречистыя /л. 866/ богородица, иже на Дону была с православным великим князем Дмитреем Ивановичем, и тако припадает и милость 33 милосердаго господа нашего Исуса Христа и рожшую его богоматерь со многими слезами и воздыхании сердечными о пособлении и победе на супротивныя агаряны и довольно помолився и благословение взя от епископа Феодосия и от священнаго собора и исходит из це[р]кви и нача уряжати полки своя. И прииде к нему весть ис поля, яко безбожныи царь Крымскии идет со многими силами и уже ко Украине приближается. И поиде благочестивыи царь и великии князь с Коломны к велицеи реце Оке и хотяще возитися за реку и тамо встретите и битися з безбожными агаряны, и посла в Касимов городок по царя Шигалея и повеле ему вскоре к себе быти и повещая, яко царь Крымскии /л. 866 об./ идет со многими люд[ь]ми.

И прииде в тои час Шигалеи к царю государю и великому князю. Царь же и великии князь нача поведати скорбь сво[ю] и всего православнаго християнства, что недруг его Крымскии царь идет со многими люд[ь]ми и с великим нарядом: «И аз де и многих своих воевод и [15] людеи послал к Казани и о сем ми велика печаль належит, но уповаю на всемогущаго бога и хощу против недруга своего итти. Ты же, брат наш, поиди с нами и постражи по православним христианстве». Царь же Шигалеи нача утешати государя нашего царя и великаго князя многи словесы и возрев на христолюбивое воинство благочестиваго царя и видех множество безчисленое людеи и удивися и глаголет царю и великому князю: «аз убо у отца твоего у благочестиваго великаго князя Василья, а у своего государя воспитан /л. 867/ и во многих ратех есми отца твоего силами и люд[ь]ми бых и николи же есми видел толиких людеи множество якоже ныне вижду твою царьскую силу. Но дерзаи, государю, збожиею помощию, а мы холопи твои, готови за тобя, государя, головы свои полагати». И прииде весть к царю государю и великому князю, яко царь Крымскии уведал тобя, государя царя и великого князя на Коломне со многими люд[ь]ми и вел[ь]ми убоявся и страх нападе нань и вострепета и восхоте вскоре возвратитися во Орду; но рекоша ему князи и уланы: «Аще восхощеши с рам свои покрыта, еже быти не безделну, во Орду свою приити, есть град великаго князя Тула, а стоит у поля блиско, а ныне еси к нему же приближился и мы тобе советуем на тои град итти и аще сведает князь великии и тебе мочно у него уити и со всеми своими людми, поне же от Коломны /л. 867 об./ Тула далече разстоянием есть и места лесные тесны и многими люд[ь]ми никако же мочно ускорити». И возлюби безбожныи совет их и отпущает х Туле перед собою многие люди и наряд лета 7063-го июня в 21 день; и приидоша на Тул[ь]ские места многие безбожные агаряне во вторник и град облегли, а иные многие зловерные в розгоню пошли, а на завтрие июня в 22 день в середу и царь Крымскои прииде х Туле и повел ко граду приступати многим людем и нача изо многих пушек и ис пищалеи бити; и многими 34 огнеными стрелами и пушками начаша на град стреляти турскаго салтана янычане, и во многих местех во граде посад загореся.

Во граде же тогда бе царя и великаго князя люди, а воевода князь /л. 868/ Григореи Ивановичь Темкин и не многие люди с ним, поне же безвестно пришли безбожныи срачины. И начаша во граде 35 православнии християне с воплем с великим и со слезами молити всемилостиваго бога и пречистую богородицу християнскую заступницу и великих чюдотворцов о помощи на поганых, о избавлении града 36; помощию всесил[ь]наго бога угасиша во граде огнь и толико с нечестивыми бишася, яко и от града, отбиша, и граду нечестивии ничто же зла сотвориша.

И слышав благочестивыи царь и великии князь сия, яко нечестивыи царь убояся и не поиде противу его и поиде к Туле, и в тои час благочестивыи царь и великии князь посла к Туле болярина своего и воеводу князя Петра Михаиловича /л. 868 об./ Щенятева 37 и инех многих воеводов и повеле им вел[ь]ми ускорити х Туле, а сам поиде к Кошире граду и тамо хотяше реку возитися и к Туле итьти. Воеводы ж великаго князя вборзе ускориша к Туле и еще им не дошедшим града и возвестиша им, яко многие люди крымские идут из загонов и мног полон ведут; они же вскоре их постигоша и помощию божиею и молитвами пречистыя богородица християнския заступница и великих чюдотворцов многих безбожных агарян побиша и многия языки изымаша и весь тои полон православное християнство отполониша. [16]

И прииде вскоре весть к безбожному царю, яко многие воеводы московские приидоша и с ними многие люди и из града православнии узреша в дале во многих полях небышныя и великия пыли /л. 869/ от земля восходяща и людеи многих з градныя стены узреша и разумеша, яко православнаго царя нашего воеводы со многим люд[ь]ми идут, и возопиша во граде велиим гласом: «боже милостивыи, помози нам, яко православнии наши приближаются», и устремишася и изыдоша из града не токмо воеводы и многие люди, но и жены и малыя дети и многих противных под градом побиша и многои наряд и зел[ь]е и пушки на разорение града 38 привезеные взяша. И в тои час нечестивыи царь в поле с срамом побеже, зане близ бе поля, и толико скоро побеже, яко царя и великаго князя воеводы не могоша постигнути; погании же они срацыни многия телеги и вел[ь]блуды своя пометаша, а безбожныи царь от града побеже июня в 23 день. /л. 869 об./

Воеводы же благочестиваго царя того же дни к Туле пришли июня в 23 день, а царь по них пошел за три часы и вси православнии християне людие прославиша всемилостиваго бога, яко такову победу дарова бог над погаными, и в тои час послаша вскоре вестника к государю и многие языки. Прииде вестник к царю и великому князю и сказаша, яко многих поганых побиша и многих языков приведоша и мног полон отполониша, а нечестивыи царь скоро побеже тою же дорогою.

И слышав благочестивыи царь и великии князь и видев онех многих срачин приведеных и прослави всесил[ь]наго бога, яко такову победу дарова ему бог молитвами пречистыя богородица и великих чюдотворцов руских. И повеле языков /л. 870/ пытати, и сказаша языки: «яко того ради царь поиде на Руськое 39, сказали ему в Крыму царя и великого князя со всеми силами его в Казани». И поиде же благочестивыи царь на Коломну и прииде в соборную церковь пречистыя богородица, многия молитвы и благодарения воздая к богу и пречистеи богородицы о победе на поганыя, и вскоре вздумав з братом своим со князем Владимиром, Ондреевичем и со царем Шигалеем и з боляры и поиде к Казани, и прииде в Муром месяца июля. И собрався со всем своим воинством и посылает царя Шигалея водою в судех, а с ним отпустил воеводу своего князя Петра Андреевича Булгакова и с ним послал многих людеи. Сам же благочестивыи царь и великии князь Иван Васил[ь]евичь поиде из Мурома полем, а князя Владимера /л. 870 об./ Андреевича с собою взяв и иде полем до нова города Свияжского; встретили его воеводы князь Александр Борисовичь Горбатои да князь Петр Ивановичь Шуискои да Данил о Романовичь и иные многие воеводы и многие люди с ними и многие люди горние черемисы встретили государя и били челом о своеи измене, государь же их пожаловал.

Прииде же благочестивыи царь и государь и великии князь в нов город на Свиягу и з братом своим со князем Владимиром Андреевичем и со всем воинством месяца августа и вниде в церковь пречистыя богородица и молитвы и благодарения возсылая к богу, тако же и пречистеи его богоматери, християнскои заступницы на поганыя. Тако же и во церкви преподобнаго Сергия чюдотворца помолився прилежно и изыде 40л. 871/.

Комментарии

11. Вставлено по смыслу.

12. После ь следы какои-то буквы.

13. В рукописи ше неясно.

14-14. Переделано из царь государь.

15. В рукописи мыщие

16-16. Написано сверху над строкои тем же почерком и теми же чернилами.

17. Буква ы не дописана — версть.

18. В рукописи, вероятно, по описке г. ним.

19. Буквы бит переделаны из других букв.

20. В рукописи возмуж.

21. На поле киноварью молитва.

22-22. Написано над строкои, по-видимому, другими чернилами

23. На поле киноварью молитва.

24. Далее, возможно, в тексте пропуск.

25. Так в рукописи.

26. Так в рукописи

27. В рукописи ошибочно Никином.

28. Написано по подскобленному.

29. Буква г. переделана из буквы з.

30. В рукописи приходитити

31. Переделано из о палатах.

32. В рукописи едво.

33. Так в рукописи. Должно быть молит.

34. В рукописи ошибочно многимо.

35. Буква р переделана из д.

36. Здесь и далее, по-видимому, пропущен союз и.

37. Вторая буква е переделана из какои-то другои буквы.

38. Написано над строкои.

39. Очевидно, пропущено царство или государство.

40. Слово изыде написано в конце последнеи строки л. 870 об.

Текст воспроизведен по изданию: Новые источники по истории Казанского "взятия" // Археографический ежегодник за 1960 год. М. 1962

Еще больше интересных материалов на нашем телеграм-канале ⏳Вперед в прошлое | Документы и факты⏳

Главная страница  | Обратная связь
COPYRIGHT © 2008-2024  All Rights Reserved.